227r

[227ra] [nous]^a plairoit¹. Et nous advint si bien a point en celle saison que messire Bertran de Claiquin, le sire de Beaugeu², messire Ernoul d’Audrehen³ et le conte de la Marche⁴ emprindrent le voiage d’Espaigne pour aidier au roy Henry contre son frere dam Pietre^b, mais avant je fu en Bretaigne a la besoigne d’Au­roy^{c 5} et me mis dessoubz messire Hue de Ca­vrelee⁶, et la me recouvray, car la journee fu pour nous, et y euz de bons prisonniers qui me valurent .ij^m. frans. Si m’en alay a .x. lances avecques messire Hue de Cavrelee en Espaigne, et bou­tasmes hors le roy dam Pietre. Et depuis, quant les aliances furent du roy dam Pietre et du prince de Galles, et que il le voult remettre^d en Castille, si fist il. Je y fu, et tous­diz en la compaignie de messire Hue de Cavrelee, et retournay en Acquittaine avecques lui^e.

« Or se renouvella la guerre du roy de France et du prince^f ; si eusmes et avons eu moult a faire^g, car on nous fist trop forte guerre, par la quele guerre sont mors grant foison de capitaines an­gloiz et gascons^h. Et encores, Dieu merci, je sui demourez en vie. Premier, messire Robert Briquet mourut en Orlenois⁷ entre le païs de Blois et la terre au duc d’Orliens en une place qu’on dist Olivet⁸ ; et la le rua jus, et toute sa route, un escuier de Haynault, vaillant homme(s) d’armes durement et bon capitaine, qui s’appelloit Alars de Donscienes^{i 9}, et seurnommoit de Barbenton, car il en estoit de lignaige. Cil Alart estoit pour le temps gouverneur de Blois et gardien de tout le païs depar les seigneurs Louys¹⁰, Jehan¹¹ et Guy¹². Si lui cheÿ en main de rencontrer a Olivet messire Robert Briquet et messire Robert Cheni^{j 13}. Il les [227rb] rua jus, et furent mors sur la place, et aussi furent toutes leurs gens, ne onques n’y ot prins homme a raençon. Depuis advint que a la bataille de Niort en Saintonge¹⁴, Carsuelle fut occis de messire Bertran qui le rua jus, et bien .vij^c.^k Anglois y furent tous mors a celle besoigne. Et a Sainte Suvere¹⁵ furent occis aussi des capi­taines anglois Richart Gilles¹⁶ et Richart Helme¹⁷. Je en sçay petit – excepté moy – qu’ilz ne aient esté tous occis sur les champs. Si ay je tenu fron­tiere et fait guerre pour le roy d’Angleterre, car mon heritaige siet en Bourdelois. J’ay aucune foiz esté rüez jus, tant que je n’avoie sur quoy monter ; a l’autre foiz riches assez, ainsi que les bonnes fortunes ve­noient. Et fusmes un temps compai­gnons d’armes moy et Raymonnet^l de l’Espee, et tenismes en Thoulousain sur les frontieres de Bigorre le chastel de Mauvoisin, le chastel de Trigalet et le Chastel Nentilleux^m, qui nous por­terent grant proufit pour lors ; puis nous en vint oster le duc d’Anjou par sa puissance, et aussi fu Raymonnetⁿ de l’Espee, mais il se tourna^o Fran­çois, et je demouray bon Anglois, et seray tant comme je vivray^p.

« Voirs est que quant je euz perdu le chastel de Trigalet et je fu conduit au Chastel Cullier¹⁸ et le duc d’Anjou se fu retrait en France, je m’avisay encore que je feroye quelque chose ou je aroie proufit^q, ou je demourroie en la paine. Si envoyay adviser et espier la ville et le chastel de Turie¹⁹ en Albigois, le quel chastel depuis m’a valu, que par pillaiges, que par pattis, que par bonnes fortunes que je y ay eues, cent mil frans. Et vous diray comment je le prins et conquis.

« Au dehors du chastel et de la ville a une tres belle fontaine, ou par usage tous les matins les femmes de la ville venoient a toutes cruches et autres vaisseaulx^r, et la les

1. Traité fait à Lisbonne le 23 septembre 1366.
2. Antoine, sire de Beaujeu ; assista à la bataille de Cocherel et accompagna Bertrand du Guesclin en Castille. † 1374.
3. Arnoul d’Audrehem, l’un des preux français, nommé maréchal de France en 1351. † 1370.
4. Jean 1^er de Bourbon, comte de la Marche. † 1393.
5. Bataille d’Auray, chef-lieu de canton (Morbihan), le 29 septembre 1364.
6. Sir Hugh Calveley, l’un des capitaines anglais les plus marquants de l’époque. † 1393. Son monument se trouve encore dans le chœur de l’église paroissiale Saint Boniface à Bunbury, Cheshire. Photo dans Ainsworth, « Configuring Transience… », Froissart Across the Genres, éd. Maddox et Sturm-Maddox (Gainesville, etc., 1998), 15-39 ; p. 34. Voir aussi Sumption, Trial by Fire…, Index).
7. Orléannais, ancienne province de France. Elle a formé trois départements : Loiret, Loir-et-Cher et Eure-et-Loir.
8. Sur le Loiret, chef-lieu de canton (Loiret), où se trouvait une abbaye cistercienne.
9. Alard de Donstienne de Barbençon, gouverneur du comté de Blois, 1366.
10. Louis II de Blois. † 1372.
11. Jean, duc de Gueldre.† 1381.
12. Guy II de Châtillon, comte de Blois, protecteur de Froissart. † 1397.
13. Robert Cheney, originaire du Kent en Angleterre, capitaine de compagnie.
14. Melle, chef-lieu de canton (Deux-Sèvres). La bataille eut lieu en septembre 1372.
15. Sainte-Sévère-sur-Indre, chef-lieu de canton (Indre), juillet 1372.
16. Richard Giles, capitaine anglais.
17. Richard Holme, natif du Yorkshire en Angleterre, capitaine de compagnie.
18. Castelculier, arr. Agen (Lot-et-Garonne).
19. Thuriès, près de Pampelonne (Tarn).