205r

[205ra]

La princesse tiroit a ce que oultreement et plainement le don^a que elle demandoit le conte de Fois li donnast, et le conte, qui sage et soubtil estoit, et qui en ses besoignes assez cler veoit, et qui espoir de la quitance^b du conte d’Armignac se doubtoit, son propos tenoit et disoit^c:

« Madame, a un povre chevalier que je sui, qui esdifie villes et chasteaulx, le don que vous accorde doit bien souffire. »

Onques la princesse n’en pot autre chose attraire^d, et quant elle vit ce [elle dist]^e:

« Conte de Fois, je vous demande et prie que^f vous faciez grace au conte d’Armignac.

– Madame, respondi le conte, a vostre priere doy je bien descendre. Je vous ay dit que le don que vous me demandez, se il n’est plus grant de cinquante mille frans^g, je le vous accorde, et le conte d’Armignac me doit^h deux cens et cinquante mil frans. A la vostre requeste et priereⁱ, je vous en donne les cinquante^j mille^k. »

Ainsi demoura la chose en tel estat, et gaigna le conte d’Armignac a la priere de la princesse^l d’Acquittaine cinquante mille frans^m. Si retourna le conte de Fois en son païs, quant il ot esté trois jours delez le prince et la princesse d’Acquittaineⁿ.

 

§ 6.

Comment la garnison de (la) Lourde guerroioit le païs de Bigorre, et de la prise de Ortingas^{o 1}.

Je^p sire Jehan Froissart fay^q narracion^r de ces besoignes pour la cause^s de ce que, quant^t je fus en la conté de Fois et de Berne, je passay parmi la terre de Bigorre^u. Si enquis^v et demanday de toutes nouvelles passees desquelles je n’estoie point enformez. Et me fu dit que, le prince de Galles et d’Acquittaine sejournans a Tharbe^w, il lui prinst^x volenté et plaisance d’aler veoir le chastel de Lourde^y, qui siet^z a trois lieues pres [205rb] de la, entre les montaignes^aa.

Quant il fu venu jusques a Lourde^ab, et il ot bien^ac advisé et ymaginé la ville^ad, le chastel et le paÿs, si le recommanda moult grandement^ae, tant pour la force du lieu que^af pource que^ag Lourde siet sur frontiere^ah de pluseurs païs, car ceulx de Lourde pevent^ai courir moult avant ou royaume d’Arragon et jusques en Casteloigne et Basselonne^{aj 2}. Si ap­pella tantost^ak le prince un chevalier de son hostel ouquel^al il avoit grant fiance et qui loyaument l’avoit servy. Et le chevalier estoit nommé^am messire Pierre Ernault de Berne^{an 3}, appert homme d’armes durement et cousin^ao du conte^ap de Fois.

« Messire Pierre^aq, dist le prince, a ma venue en ce païs je vous institue^ar et fay chastellain et capitaine de Lourde et regard^as du païs de Bigorre. Or gardez^at telement le chastel que vous en puis­siez rendre bon compte a monseigneur mon pere^{au 4} et a moy.

– Monseigneur, dist li chevaliers, volentiers. »

La lui en fist il foy^av et hommaige, et le prince^aw l’en mist en possession^ax.

Or savez vous que, quant^ay la guerre se renou­vella^az entre le roy de France⁵ et le roy d’Angle­terre, si comme^ba il est cy dessus contenu en ceste histoire, ainsi comme le conte^bb Guy de Saint Pol⁶ et messire Hue de Chastillon^{bc 7}, maistre des arbalestriers pour le temps^bd, saisirent et prindrent^be de fait la ville d’Abbeville et tout le païs de Pontieu⁸, deux grans barons^bf de Bigorre, lesquelz sont ou estoient nommez messire^bg Monnant^bh de Barbesen⁹ et le sire^bi d’Auchin¹⁰, se tournerent françois^{bj 11} et se saisirent aussi de la cité, de la ville et du chastel de Tharbe^bk, car ilz estoient foible­ment gardez pour le roy^bl d’Angle­terre.

Or demoura le chastel de Lourde^bm a mes­sire^bn Pierre Ernault de Berne, le quel ne l’eust rendu pour nul avoir, mais fist tant guerres grandes et fortes^bo a l’encontre du royaume de France,

 

1. Artigat, arrondissement de Pamiers, canton Le Fossat (Ariège).
2. Barcelone, ville portuaire, capitale de la Catalogne (Es­pagne).
3. Perarnaut ou Pierre-Arnaut de Béarn, seigneur d’Esgouar­rebaque (Bas-ses Pyrénées, arr. Oloron), bâtard de la maison de Béarn (fils illégitime de Pey de Béarn, bâtard de Gaston II de Béarn) et cousin du comte de Foix ; capitaine de Lourdes.
4. Édouard III, roi d’Angleterre. Voir W. Mark Ormrod, Edward III, Yale (New Haven et Londres, 2011).
5. Charles V (1364-1380). Voir F. Autrand, Charles V, Fa­yard (Paris, 1994).
6. Guy, comte de Saint-Pol, qui était à ce moment-là (1369) lieutenant du roi dans les marches de Picardie.
7. Hugues de Châtillon, maître des arbalétriers, actif dans la guerre contre les Anglais, surtout dans le nord de la France.
8. Comté de Ponthieu.
9. Monaut de Barbazan.
10. Bon IV, seigneur d’Antin (Hautes-Pyrénées), capitaine de Lourdes.
11. Se soumirent à la couronne de France.