[238ra] roy :
« Sire, nous ferons bien, se Dieu plaist, tant que nous en arons la grace et l’amoura de vous. »
Ainsi se ordonnerent les Portingalois que je vous di, et se fortifierent pres de l’eglise de Juberot en Portingal, et n’y ot ce jour nul Anglois qui voulsist devenir chevalier ; si en furent bien li aucuns requis et admonnestez du roy, mais ilz s’escuserent pour ce jourb 1. Or vous parlerons de l’ordonnance des Espaignolz, comment ilz s’ordonnerent contre les Portingaloisc.
Ord retournerent devers le roy damp Jehan de Castille et les chevaliers et escuiers et gens d’armes de France et de Gascoingne qui la estoient, les chevaucheurse de leur costé, lesquelz ilz avoient envoyé pour adviser leurs ennemisf, et rapporterent telz nouvelles en disant ainsi :
« Sire roy, et vous, barons et chevaliers qui ci estes presens, nous avons chevauchié si avant que proprementg nous avons veü les ennemis, et selon ce que nous pouons adviser et considerer, ilz ne sont pas .x. mille hommes en toute somme, et se sont trais vers le moustier de Juberot, et droit la se sont ilz arrestez et mis en ordonnance de bataille, et la les trouvera qui avoir les vouldra. »
Adonc appella le roy de Castille son conseil, et par especial les barons et chevaliers de France, et leur demanda quel chose en estoit bon affaire. Il fut en l’eure respondu :
« Sire, c’est bon que ilz soient combatus. Nous n’y veons autre chose, car selon ce que ont rapporté noz chevaucheurs, ilz sont effraiez et en grant doubte pour tant que ilz se sentent loing de toutes forteresces ou ilz se puissent retraire. Lusebonne leur est loing a .vj. lieues : ilz n’y pevent courir a leur aise que ilz ne soient ratains sur le [238rb] chemin. Non, se ilz ne prenoient ce soir l’avantaige de la nuith. Si conseillons, sire roys, puisque nous savons ou ilz sont, que nous ordonnions noz batailles et les al[i]ons combatre, endementres quei voz gens sont entalentezj de bien fairek. »
Lors demanda le roy a ceulx de son paÿs leur oppinion, c’est assavoir a messirel Daghomez Mendruich, messire Digho Persement, Pierre Goussart de Montdesque et Pierre Ferrant de Valesque et le grant maistre de Calestrave, lesquelz respondirent a la parole du roy et a sa demande, et distrent :
« Monseigneur, nous avons bien entendu ces chevaliers de France, et veons et oyons qu’ilz vous conseillent a aler chaudement combatre voz ennemis. Nous voulons bien que ilz saichent, et vous aussi, que avant que nous soions jusques a la et entr’eulx, il sera tartm ; car vous vëez le souleil comment il tourne, et si n’avons encores pas ordonnees noz batailles. Si est bon que nous attendons le matin et les approchons de si pres que nous saichons par noz espiesn et par noz chevaucheurs que nous espartirons sur les champs en pluseurs lieux, leur contenemento ; affin que, s’il advient ainsi que sur le point de mienuit ilz se deslogeassent et se voulsissent retraire, nous nous deslogerions aussi. Ilz ne nous pevent fuir ne eschapper : ilz sont en plain paÿs. Il n’y a place ne lieu fort, excepté le lieu ou ilz sont, de ci a Lusebonne, que nous ne les puissons avoir a nostre aise. Et ce conseil nous vous donnons. »
Adonc se tut le roy un petitp et baissa la teste, et puis regarda sur les estrangiers. Et lors parla messire Regnault Lymosin, le quel estoit – si comme vous savez – mareschal de tout l’ost, et dist pour complaire aux François, en langaige espaignol afin qu’il feust miex ouys et entendu, car bien le savoit parler, tant avoit