273r

[273ra] et fu toute nette­ment ruee jus sans recouvrance l’avantgarde. Lors vint la bataille du roy de Castille et le roy aussi, ou bien avoit .xxxm. hommes tous bien montez, mais quant ilz approuchierent il estoit ja nuit, et ne sa­voient pas le grant meschief qui leur estoit advenu de leurs gens. Si vindrent faire leur monstre sur leurs chevaulx pardevant nous, et firent plus de cinq cens par appartises d’armes saillir leurs che­vaulx tout oultre le fosséa, mais sachiez, Monsei­gneur, que tous ceulx qui y passerent onques pié n’en rappassa, et furent la occis des Castelloings tout ou partie des plus nobles de ceulx qui amoient et desiroient le plus les armes, avec grant plenté de barons et chevaliers de Portingal qui s’estoient contre nous tournez avec le roy de Castille. Et quant noz gens virent et congnurent que noz enne­mis se desconfisoient ainsi, ilz passerent tout oultre le fossé et le pou d’eaue que la avoit, car en plus de .xl. lieux elle estoit esclusee1 des mors qui y estoient versezb et couchiez. Si deman­derent leurs chevaulx et monterent, et puis se mistrent en chace, mais longuement ne fu ce pas pour ce qu’il estoit nuit, si ne se vouloient pas noz gens abandonner folement ne aler trop avant pour la doubte des embusches, et si n’estoient pas si bien montez comme les Castelloings estoient, car se ilz l’eussent estéc, pour verité ilz eussentd receu plus de dommaige assez que ilz ne firent, et eust esté le roy de Castille sans faulte mort ou prins, mais la nuit qui nous seurvint toute obscure et [estre] foiblement monteze le sauva. Or vous vueil je nommer premierement la greigneur partie des nobles [273rb] tant espaignolz, françois et gas­cons comme portingallois qui la moururent sur le champ que on dit a La Cabasse de Juberot, et premierement :

« Lef conte damp Jehan Alphonserole de Portingal, le grant prieur de saint Jehan de Portingal2, damp Dilgavres son frere3, Ange Salvace de Geneve4, damp Jehan Ansalle5, messire Dagomés Mendrich6, Diggo Persement7, Pierre Risierment8, Lugarés de Versans9, le grant maistre de Calestrave10 et son frere qui s’appelloitg damp Diggo d’Igarés11, Pierre Goussart de Montdesque12, Pierre Ferrant de Valesque13, Pierre Goussart de Sebilleh 14, Jehan Radiggo de Hoiés15 et le grant maistre de Saint Jaqueme16. Des François, messire Jehan de Rie17, messire Gieufroy Riconi 18, messire Gieufroy de Partenay19, messire Espaignolet d’Espaigne20, messire Regnault du Solier dit Lymosin21, mareschal du roy de Castille ; et des Gascons de Bernej, le seigneur des Bordesk 22, le seigneur de Martan23, le seigneur de Bringolés24, messire Raymmon d’Euzach25, messire Bertran de Baruge26, messire Jehan Asolguié27, messire Raymon de Valentun28, messire Adam de Mourasse29, messire Mennent de Sare­men30, messire Pierre de Sarembiere31, et pluseurs autres plus de .xijc. chevaliers et es­cuiers tous gentilzhommes. Or vous vueil je nom­mer ceulx de nostre costé qui furent la avecques le roy nostre seigneur le roy Jehan de Portingal, et premierl : le conte de Novare32, connestable, Diengalopés Percek33, Pierre Percek34 et mes­sire Jehan Ferrant Percekm 35, et Agalop Ferrant Percek36 son frere qui la estoient au frain du roy, le Pouvasse du Coignen 37, Egeas Toille38, le Podich d’Asnede39, Vasse Martin de Merlo40 et son filz Vasse Martin41, mais il mourut la ce jour et fu feru d’un giet d’une darde tout parmi le corps. Item, Gonsalevas de Merlo42, messire Alve Por­rie43, mareschal de l’ost et bon

  1. Obstruée.
  2. João Afonso Telo.
  3. Diego Alvares Pereira.
  4. Gonçalo Vasques de Azevedo.
  5. John Annesley (Kervyn De Lettenhove, XX, 94) ou plus plausiblement João Gonçalves Teixeira.
  6. Diego Gomez Manrique.
  7. Diego Pérez Sarmiento, maréchal de Castille.
  8. Pero Ruiz Sarmiento ?
  9. Peut-être Manriques d’Averso.
  10. Pedro Muñiz de Godoy.
  11. Diego Morés ?
  12. Pero de Mendoça.
  13. Pero Fernandez de Vallasco.
  14. Pero Gonzales Sevilha, maréchal de Castille.
  15. Jean Rodriguez de Hoiés.
  16. Pedro Fernandez Cabeca de Vaca, grand-maître de l’ordre de Saint Jacques.
  17. Jean de Rye, Bourguignon, chambellan du roi de France.
  18. Geoffroi Richon, Breton, chef de compagnie.
  19. Geoffroi de Parthenay, Breton, écuyer.
  20. Espagnolet d’Espagne, Basque, fils de Roger d’Espagne, chef de compagnie.
  21. Arnaut de Solier, dit Limousin, chef de compagnie, maré­chal de Castille.
  22. Guillaume des Bordes, chambellan de Charles VI de France.
  23. Le seigneur de Marsan ?
  24. Le seigneur de Bringoles ou de Berniole ?
  25. Raymond d’Onzac.
  26. Bertrand de Barège, écuyer gascon.
  27. Jean Azleguy, écuyer béarnais.
  28. Raymond de Balansun, Béarnais.
  29. Adam de Morlanne, chevalier béarnais.
  30. Menaud de Serremia, Béarnais.
  31. Pierre de Sarraberre.
  32. Nuño Alvares Pereira, condestavel (connétable) de Portugal.
  33. Diego Lopes Pacheco.
  34. Pedro Pacheco ?
  35. João Fernandes Pacheco.
  36. Lopo Fernandes Pacheco.
  37. Lopo Vasques de Cunha, porte-drapeau du roi à Aljubar­rota.
  38. Egas Coelho, mestre-sala de João 1er.
  39. Lopo Dias de Azevedo.
  40. Vasco Martins de Melo, o Velho (le Vieux).
  41. Vasco Martins de Melo, o Moço (le Jeune).
  42. Gonçalo Vasques de Melo.
  43. Álvaro Pereira, maréchal.