[236va] et iroit combatre ses ennemis. Tous s’ordonnerent et monstrerent que ilz avoient grant joie de ceste journee et de ceste aventure. Quant ce vint le samedia au matin on sonna trompetes a grant foisonb parmi l’ost, et ouy le roy messe ou chastel et puis but un coup, et aussi firent toutes ses gens, et monterent a cheval et se trairent sur les champs en bonne et belle ordonnance, messire Regnault Lymosin, mareschal de l’ost, tout devantc. Si furent envoiez leurs coureurs1 chevauchier et adviser le contenementd des ennemis et quel part on les trouveroit et quele quantité par advis ilz pouoient estre. Si furent envoiez depar les François deux escuiers, l’un bourguignon et l’autre gascon ; le Bourguignon nommoit on Guillaume de Montdigi2, et estoit avecques messire Jehan de Ré, et le Gascon de Berne, Bertran de Barege3. Et furent deux ce jour chevalierse 4, et avecques eulz un chastellain de Castille et bon homme d’armes qui s’appelloit Pierre Ferrant de Medine5, et estoit montez sur un gisnest legier et bien courant a merveilles. Endementres quef ces trois chevaucheurs chevauchoient les champs avant et arriere pour adviser le contenementg des Portingalois, le grant ost ou il y avoit largement deux mille lances, chevaliers et escuiersh gascons, bourguignons, françois, picarsi et bretons, aussi bien arroiez et appareilliez et armez de toutes piecesj que nulles gens d’armes pourroient estre, et bien .xxm. hommes espaignolz et tous a cheval, chevauchoient tout le pas ; si n’avoient pas chevauchié le trait d’un arc quant ilz s’arrestoient. D’autre part le roy de Portingal avoit envoié trois coureurs chevaucheurs pour adviser justement et clerement l’ordonnance et contenementk des Espaignolz, dont les deux estoient Angloiz, escuiers et appers hommes d’armes ; li [236vb] uns estoit nommé Janequin d’Arteberi6 et li autre Phelippe de Barqueston7, et avecques eulx un Portingalois nommé Ferrant de la Gresse8. Tous estoient bien montez, et chevauchierent ces trois si avant que ilz adviserent, d’un tertre ou ilz estoient montez et embrunchiezl entre arbres ou on ne les pouoit veoir pour les fueilles, tout le contenementm des Espaignolzn.
Oro retournerent devers le roy de Portingal et son conseil ces trois chevaucheursp dessusnommez, et la trouverent tout l’ost dessus les champs. Si firent record et relacion de leur chevauchie, en disant :
« Sire roy, nous avons esté si avant que nous avons veü tout le contenementq de voz ennemis, et sachiez que ilz sont grant gent et belle gent, et y puet bien avoir .xxxm. chevaulx. Si aiez sur ce advis. »
Adonc demanda le roy :
« Dittes moy, chevauchent ilz tous en floter ?
– Nennil, sire, ilz sont en deux batailles9. »
Adonc se retourna le roy de Portingal vers ses gens, et dist tout hault :
« Advisez vouss ! Ci ne fault point de couardise. Sans faulte nous nous combatrons, car noz ennemis chevauchent et ont grant volenté de nous trouvert. Si nous trouveront, car nous ne pouons fuir ne retourner. Nous sommes issus de Lusebonne grant foison (de) de gentu. Or pensez du bien faire et de vous vendre. Vous m’avez fait roy ; aujourd’ui je verray se la couronne de Portingal me demourra paisiblement. Et soiez tout seürv que ja ne fuirray, mais attendra[y]w l’aventure avecques vous. »
Et ilz respondirent :
« Dieu y ait part, et nous demourrons aussi tous avecques vous. »
Adonc furent appellez Nortberi, Hartetelle et aucuns des autresx des plus
- Éclaireurs.
- Guillaume de Montdigy, écuyer bourguignon.
- De Bertrand de Barège, Gascon, nous ne savons rien.
- Éclaireurs, espions.
- Pero Fernández de Medina.
- John Hartlebury ?
- Philip Barkeston ?
- Ferrand de la Griose ?
- C’est-à-dire en deux formations ou corps de bataille. Plan des deux phases de la bataille dans J. G. Monteiro, Aljubarotta, coll. « Batalhas de Portugal », Tribuna da História, Edição de Livros e Revistas, Lda. (Lisbonne, 2003).