[215ra] la busche et l’asne les piez dessus en la cheminee sur les chiennes, dont le conte de Fois ot grant joie, et tous ceulx qui la estoient1. Et s’esmerveilloient de la force de l’escuier, comment tout seul il avoit si grant fes chargié, et monté tant de degrez. Ceste appertise vy je faire, et aussi firent pluseurs, au bourc d’Espaignea. »
Moult me tournoient a grant plaisance et recreacionb les comptes que messire Espaeng de Lion me comptoit, et m’en sembloit le chemin trop plus brief. En comptant telles aventures passasmes nous le pas au Larre et le chastel du Marteras ou la bataille fu, et venismes moult pres du chastel de Barbesen qui est bel et fortc, a une petite lieue de Tharbed.
« Nous le verronse devant nous [dist li chevaliers]f et un trop beau chemin et plain a chevauchier en costoiant la riviere de Lisse qui vient d’amont des montaignes. »
Adonc chevauchasmes nous tout souef et a loisirg pour refreschir noz chevaulx, et me monstra par delah la riviere le chastel et la ville de Montgaillart, et le chemin qui s’en va ferir droiti sur Lourde.
Lors me vint en remembrancej de demander au chevalier comment le duc d’Anjou, quant il fu ou païs et que le chastel de Mauvoisin se fu rendu a lui, s’estoit portez, et comment il estoit venus devant Lourde, et quele chose il y avoit fait. Trop volentiers il le me compta, et me dist ainsi :
« Quant le duc d’Anjou se departi atout son ost de Mauvoisin, il passa oultre la riviere de Lesek au pont de Tournay, et s’en vint logier a Bagnieresl, une bonne ville seant sur ceste riviere qui s’en va ferir a Tharbem, car ceste de Tournay n’y vient pas, mais s’en va ferir en la Garonne dessoubz Montmilionn 2; et s’en vint mettre le siege devant [215rb] Lourde. Messire Pierre Ernault de Berne et Jehan, son frere, Pierre d’Auchin, Ernauton de Rostem, Ernauton de Sainte Coulombe, le Mongaut3, qui adonc vivoit, Ferrando de Mirande, avec lui Barbeo 4, le bourcp de Carvillac, le bourch Camus5 et li compaignon qui dedens estoient avoient bien esté enfourmez de sa venue. Si s’estoient grandement fortifiez et pourveuz a l’encontre de lui, et tindrent la ville de Lourde contre tous les assaulx que on y fist et livra .xv. jours durantq. Et ot la pluseurs grans appertises d’armes faictes par grans mangonneaulxr 6 et autres adournemenss d’assaulx que le duc d’Anjou fist faire et charpenter, et tant que la ville fu prinse et conquise ; mais les compaignons de Lourde n’y perdirent riens, ne homme ne femme de la ville, car ilz avoient tout retrait ou chastel. Et bien savoient que en la fin ilz ne pourroient tenir la ville, la quele estoit prenable, car elle n’est fermee que de palis.
« Et quant la ville de Lourde fu conquise, les François en eurent grant joie et se logierent dedens en environnant le chastel, qui n’est pas prenable fors que par long siege. La fu le duc plus de six sepmaines, et plus y perdi que il n’y gaigna, car ceulx de dehors ne pouoient grever ceulx de dedens, car le chastel siet sur une roide roche faictet par tele façon que on n’y puet aler ne approchier par eschielles ne autrement fors que par une entree. Et la aux barrieres y avoit souvent de belles escarmouches et de grans appertises d’armes faictes, et y furent navrez et bleciez pluseurs escuiers de France qui s’approchoient de trop presu.
« Quant le duc d’Angou vit qu’il ne venroit point a son entente de prendre le chastel de Lourde, si fist traitier devers le capitaine et lui fist proumettre grant argent, mais qu’il voulsistv rendre la garnisonw. Le chevalier, qui estoit
- Gab épique s’il en fut. L’escalier en pierre survit encore au château Moncade à Orthez, contre le mur sud de la maison seigneuriale (Y. Darrigrand, Orthez médiéval, 66-7, et plan, p. 64).
- Monluc (Lot-et-Garonne) ? Si l’identification est correcte, il faudrait lire « dessus Monmilion » (cf. Diverres, Voyage … , p. 119).
- Probablement le Mongat de Sainte-Bazeille.
- Olin Barbe ou Olimbarbe, probablement Gascon, capitaine de compagnie.
- Le Bourc Camus, Gascon, capitaine des grandes compagnies, exécuté en 1369.
- Grands engins de siège.