[240ra] que ces barons et chevaliers de Berne et de France conduisoient et gouvernoient, cuida estre autrement et plus prestement confortee des Espaignolz que elle ne fu, car se le roy de Castille et sa grant route, ou bien avoit .xxm. hommes, feussent venus par une autre part assaillir les Portingalois, on dist bien que la journee eust esté pour eulx, mais ilz n’en firent riens, pour quoy ilz y eurent blasme et dommaige. Aussi, au voir dire, la premiere bataille assembla trop tost, mais ilz le faisoient pour tant qu’ilz en vouloient avoir l’onneur, et pour les paroles tenir en voir et en grace lesquelles avoient esté dictes devant le roy. D’autre part les Espaignolz, si comme je fuz enfourmez, se faingnoient de non venir sitrestost, car ilz n’avoient pas bien en grace les François, et avoient ja dit avant :
« Laissiez les couvenir et lasser, ilz trouveront bien a qui parler. Ces François sont trop grans venteux et haultainsa, ne aussi nostre roy n’a fiance parfaite fors en eulx, et puisque il le veult et consent qu’ilz aient l’onneurb de la journee pour eulx, nous leur lairons bien avoir, ou nous l’arons tout entierement a nostre entente1 c. »
Par ce partid se tenoient les Espaignolz en une grosse bataille ou bien avoit .xxm. hommes tous quois sur les champs, et ne vouloient aler avant, dont bien en ennuyoit au roy, mais amender ne le pouoit, car les Espaignolz disoient, pour tant que nul ne retournoit de la bataille :
« Monseigneur, c’est fait, cil chevaliers de France ont desconfiz voz ennemis ! La journee et l’onneur de la victoire sera pour eulx.
– Dieu le doint, dist le roy. Or, chevauchons un petit avant. »
Lors chevauchierent ilz tout le pas [240rb] environ loing le trait d’une arbalestre2, et puis s’arresterente. Au voir dire, c’estoit grant beauté de veoir leur contenement et acesmementf, tant estoient bien montez et bien armez de toutes pieces. Et endementresg les François se combatoient ceulx qui estoient descenduz de leurs chevaulxh 3, et qui tant de loisir avoient peu avoir pour descendrei. Et sachiez que pluseurs chevaliers et escuiers y firent grant foison d’appertises d’armes de l’une part et de l’autre, car quant les lances leur faillirent, ilz se prindrentj a leurs haches, et en donnoient sur ces bacinésk de moult horribles horions, dont ilz se meshaignoient et occioientl.
Quim est en tel partin d’armes comme li François et li Portingalois estoient a Juberot, il fault que il attende l’aventure, voire se il ne veult fuir, et en fuiant advient que il y a plus de perilz que il n’y ait ou plus fort de la bataille, car en fuiant on chace, on fiert, on tue. Et en bataille, quant on voit qu’on a du pieur, on se rent ; si est on gardé par estre prisonnier, car pas n’est mort qui est en prison. On ne puet pas dire ne recorder que les chevaliers et escuiers de France, de Bretaigne, de Bourgoigne et de Berne qui la estoient ne se combatissent tresvaillamment, mais ilz eurent de plaineo venue trop dur encontre, et tout ce firent les Angloiz par le conseil que ilz donnerent de la place fortifier. La furent a celle premiere bataille les Portingalois plus fors que leurs ennemis, si les mistrent a mercis, et furent tous mors ou prins, petit s’en sauverent, mais toutefoiz a ce commencement ilz eurent bien mil chevaliers et escuiers prisonniers, dont ilz avoient grant joie. Et ne cuidoient pour le jour avoir plus de bataille, et faisoient tresbonne chiere a leurs prisonniers, et leur disoit chascun a son prisonnierp :
« Ne vous esbahissiez de riens. Vous