[269ra] chevaliers de paraige et bons hommes d’armes, s’assemblerenta ensemble et se trouverent bien .ccc. lancesb tous bien montez et en grant volenté de nous porter dommaige. Et bien le monstrerent, car ilz entrerent en Portingal et y leverent grant proie et grant pillagec et grant foison de prisonniers, et vous di que se ilz voulsissent, ilz s’en feussent bien rentrez en Castille sans avoir rencontre, mais ilz furent grans et orgueilleux et distrent que ilz venroient veoir la garnison de Trencouse. Tous ceulx du plat paÿs fuientd audevant d’eulx, et tant que les nouvelles en vindrent en Trencouse. Quant messire Jehan Ferrant Percek entendi que les Castelloings chevauchoient, si demanda ses armes et fist sonner ses trompetes et resveillier chevaliers et escuiers parmi la ville. Tous s’armerent a grant haste et monterent aux chevaulx et issirent hors de Trencouse, et se trouverent sur les champs environ .cc.. Si se mistrent en bonne ordonnance, et monstrerent bien que ilz avoient grant affeccion de trouver leurs ennemis, et demanderent aux fuians qui affuioient a sauveté a Trencouse oue leurs ennemis estoient, et ou ilz les trouveroient. Ilz respondirent que ilz n’estoient point loing et que ilz ne chevauchoient que le pas, car ilz ne pouoient tost aler pour la grant proie que ilz menoient. De ces nouvelles fu messire Jehan Ferrant Percek tout resjouy, et dist a ses compaignons, a messire Martin Vas de Coigne et a Guillaume Vas de Coigne son frere :
« “Avançons nous ! Je ne vueil jamais rentrer en ville ne en chastel qui soit en Portingal, [269rb] si auray veü noz ennemis et combatu a eulx, et me mettray en paine de rescourre la proie.”
« Et puis me dist :
« “Laurencien, desvelopezf ma baniere, car il est heure. Nous trouverons tantost les ennemis. Lors fis ce que il me commanda, et chevauchasmes les bons pasg et tant que nous veismes devant nous les pouldrieres de noz ennemis.”
« Lors preismes nous l’avantaige du soleil et chevauchasmesh et venismes a eulxi. Quant les Castelloings nous apperceurent, si se tindrent tous coys et se remirent ensemble, et ordonnerent leur proie et leurs prisonniers tous d’un costé. Nous les approchasmes de si pres que bien pouyons parler a eulx et eulx a nous. Si veismes trois bannieres et quatre pennons, et bien estoient par advis en flote environ .ccc., et les banerés tous bien montez. Je vous nommeray tout premierj: messire Jehan Raddigoz de Castegnas1, chevalier et baron en Castille, messire Alnegresie d’Albenés2 et messire Adyoutale de Thoulete3 ; les pennons, messire Pierre Pietre Sonasek de Thoulete4, messire Adyoutale de Casele5, messire Jehan Radigoz de Verel 6 et Dyoscenses de Thorem 7. Quant nous feusmes l’un devant l’autre nous meismes pié a terre et aussi firent eulx, et furent chevaulx bailliez aux paiges et aux varlés, et avant que nous assemblissions – de lances, de dardes ne d’armes – a eulx, ne eulx a nous, nous eusmes grant parlement ; voire, les capitaines de l’une part et de l’autre, car moy qui fu present oÿ toutes les paroles pour tant que mon maistre messire Jehan Ferrant Percek, de qui je portoie la banniere, estoit audevant d’eulx, et a lui estoient adreciez les parlemens. Tout premier il leur demanda qui les faisoit chevauchier en Portingal, ne lever proye. Messire