[268ra] estoient en la cité de Lusebonne et monter a cheval et venir ferir es derreniers des Casteloings qui se deslogenta, et leur portasmes grant dommaige car ilz ne se deslogierent pas en bon arroy, par quoy ilz perdirent moult de leurs hommes et de leurs pourveances. Mais le roy de Portingal qui est a present fist faire un eddit et un ban, sur la teste copperb, que nul ne mesist ou apportast chose qui feust aux champsc en la cité de Lusebonne, mais vouloit que tout feust ars, non pas la cité empugnaisie. Tout fu converti – pourveance et autres choses – en feu et en flamme, mais je croy bien que ceulx qui avoient trouvé or, argent, monnoie ou vaisselle ne l’ardirent pas ; avant le sauverent du mieulx qu’ilz porent1.
« Adoncd s’en vint le roy de Castille a Saint Irain a l’entree de son païs et la se tint un temps, et envoia au secours en France si tres especialment que il pot onques, et par especial en Gascoigne et en Berne en la terre le conte de Fois. Et envoia trois sommiers chargiez de nobles de Castille et d’autres fleurins pour faire prest2 aux chevaliers et escuierse, car bien savoit que par autre voie il ne les mettroit point hors de l’ostelf 3.
« Quantg les barons et les chevaliers du royaume de Portingal qui pour la partie du roy qui est a present se tenoient, virent que le roy [de] Castilleh avoit levé et vuidiéi son siege et laissié la cité de Lusebonne ou plus d’un an il avoit sis, si se rencouragierent grandement, et aussi firent les communaultez du paÿs, et par especial ceulz du Portj, ceulx d’Evre et ceulx de Comnimbres. Si eurent conseil ensemble [268rb] et bien brief que ilz couronneroient le maistre [d’Avis] au quel par esleccion ilz avoient donné leur amour et plaisance, et disoient ainsi, et estoit la voix commune du paÿs, que Dieu vouloit que il feust roy couronnez, car ja avoit monstré ses vertus sur les Espaignolz. Aprés fu signifié par tout le royaume de Portingal que on venist a un certain jour qui ordonné fu en la cité de Comnimbres, et que la seroit le maistre [d’Avis] couronnez et solempnizez. Tou[s]k ceulx qui estoient de sa partie y vindrent, et y ot selon la puissance du paÿs assez grant peuple. Si fu le roy Jehan de Portingal couronnez et solempnizez ainsi comme a lui appartenoit, des evesques et des prelas de son païs, le jour de la Trinité en l’an mil .ccc. .iiijxx. et quatre, en l’eglise cathedral de Connimbres que on dit de Sainte Marie4. Et fist la le roy de Portingal ce jourl chevaliers, de ceulz de son païs et d’estrangiers, jusques a .lx. (chevaliers). Si fu la feste grant que les Portingalois tindrent en la cité de Connimbres deux ou trois jours, et la fist le roy renouveller tous hommages aux [contes]m, barons, chevaliers et escuiers et ceulx qui fiefz tenoient de lui. Et la jura il a tenir le royaume en droit et en justice, et garder toutes juridiccions, et il lui jurerent que pour roy a tousjours et ses hoirs qui de lui venroient – feussent masle ou femelle – ilz tendroient, ne pour mourir ne le relenquiroient. Ainsi ala du couronnement du roy Jehan de Portingal que je vous compte.
« Quantn 5 le roy de Castille sçut les nouvelles que li Portingalois, et par especial le[s] communaultezo du paÿs avoient couronné a roy [le] maistre
- Telle était l’importance du butin de guerre.
- C’est-à-dire une avance sur leurs gages.
- Le roi reconnaissait que les chevaliers et autres, aimant la vie de la cour, ne partiraient volontiers pour la guerre que si celle-ci promettait de bien leur rapporter profit.
- Nous ignorons la cérémonie à laquelle fait ici allusion Froissart ; l’acclamation du roi par les Cortes eut lieu à Coïmbra le 6 avril 1385.
- Continuation, toujours, du récit de Fougasse.