[264va] doubtoient moult fort les communes du paÿs qui la estoient assemblees, car ilz avoient ja oÿ murmurer les pluseurs que ilz vouloienta couronner a roy [le] maistre [d’Avis], et aussi bien en avoit oÿ parler Jehan Ferrant Andere ; pour tant prioit il les nobles du paÿs qu’ilz demourassent avecques lui pour aidier a mettre sus et a soustenir son opinion, mais tous li faillirentb, et sitrestost comme on ot fait l’obitc du roy en l’eglise des Freres de saint François et que la royne Alienor fu retournee au palais, [et] que [l’]on dist : “Aux chevaulx, aux chevaulx !”d, tous ou partie monterent a cheval et se departirent de Lusebonne sans congié prendree. Bien pot estre que aucuns demourerent qui estoient de la partie du roy a present, mais ceulz se trairent en leurs hostelz et se tindrent la tous coys et dissimulerent, car bien ymaginoient qu’il avenroit ce qu’il advint ; je vous diray quoy. L’obbitf du roy Ferrant fait, les communes de Lusebonne et de Connimbres et du Port et d’Evre qui la estoient, ne retournerent pas tantost en leurs maisons, mais s’en alerent en l’eglise cathedral de Lusebonne que on dit de Saint Dominique, et la s’assemblerent et [ce] maistre [d’Avis] avecques eulx. La firent ilz parlement ensembleg qui ne dura pas longuement, car le roy qui est a present leur dist1 :
« “Bonnes gens, vous me voulez prendre a roy, et je di que c’est mon droit. Et se vous voulez perseverer en vostre propos, il est heure que vous ouvrez et que vous monstrez fait et puissance, car vous savez comment Jehan Ferrant Andere procure devers les nobles de ce paÿs que le roy de Castille soit mandez, [264vb] et dit et maintient que la couronne de Portingal lui appartient depar sa femme ma cousine. Et je di que se vous le voulez aidier a mettre sus, que je y ay aussi grant droit ou plus que elle n’ait. Vous savez bien toute la maniereh : je sui homs et fu frere au roy Ferrant, et filz au bon roy Pierre de Portingal qui vaillamment vous gouverna. Voirs est que ma cousine la royne de Castille fu fille au roy Ferrant, mais ce n’est pas par loyal mariage.”
« Dont distrent ceulz de Lusebonne :
« “Il est verité ce que vous dictes. Nous ne voulons autre roy que vous et vous ferons roy, qui que le vueille veoiri. Or nous jurez ci que vous nous serez bon et propice, et tendrés justicej, ne point ne flaterez neant plus le fort que le foiblek, et garderez et soustendrez de bon cuer, et defendrez parmi l’aide que nous vous ferons, les droitures de Portingal.”
« Respondi le roy qui est a present :
« “Bonnes gens, ainsi je le vous jure, et principaument je vous requier que vous alez, et moy avecques vous, a la Monnoie2 ou Jehan Ferrant Andere se tient avecques Alienor de Coigne, car je vueil qu’il muire. Il l’a desservy a l’encontre de moy et de vous quant il soustient autre querelle que vous ne voulez.”
« Ilz respondirent tous d’une voix :
« “Nous le voulons ! Voirement vous est il desobeissant et rebelles, si fault que il muyre, et tous ceulx qui contraires vous seront, par quoy le demourant du paÿs y prendront exemple.”
« Tantost li Lusebonnois furent conseilliez, et se departirent du moustier de Saint Dominique3, et estoient bien .xvc.l tous d’une congregacion, et le