228r

[228ra] [veü] une fois en Avignon en bon arroy, que il estoit devenus^a.

« Je le vous diray, dist le Bascot de Maulion. Du temps passé, quant messire Seguin de Batefol eust tenu Brude en Villay^b a .iiij.^c lieues du Pui en Auvergne, et il ot guerroié le païs et assez conquis, il s’en retourna en Gascoigne et donna a Loÿs Rainbaut et a un sien compaignon qui s’ap­pelloit Lymosin, Brude^d et Anse sur la Sone¹. Le païs estoit pour ce temps que je parole si foulez et si grevez, et si raemplis de compaignes a tous lez, que nul a paine n’osoit issir hors de sa maison. Et vous di que entre Brude et^e Auvergne et Anse a plus de .xxvj.^f lieues, et tout païs de montaignes, mais quant il venoit en plaisance a Loÿs Raimbaut a chevauchier de Brude a Anse, il n’en faisoit nul compte, car ilz tenoient sur le chemin pluseurs fors en la conté de Forés^g et ailleurs ou ilz se refres­chis­soient. Et les gentilzhommes pour ce temps d’Auvergne, de Forés^h et de Villayⁱ et des frontieres estoient si traveilliez et si menez par la guerre, ou par estre prins ou raençonnez, que chascun resoi­gnoit les armes, car il n’y avoit nulz grans chiefz de seigneurs de France qui meissent ou païs gens d’armes^j, car le roy de France estoit jeune et avoit a entendre en trop de lieux en son royaume. Car de toutes pars compaignes et routes chevau­choient et se tenoient, ne on ne pouoit estre quitte, et les seigneurs de France estoient ostaiges en Angleterre², et endementres^k on leur pilloit et destruisoit leurs hommes et leur paÿs. Et si n’y pouoient remedier, car leur gens n’avoient nul couraige de bien faire ne eulx defendre. Advint que Loÿs Rainbaut et Lymosin, qui estoient compain­gnons³ d’armes ensemble, cheïrent en hayne^l. Je vous diray pourquoy. Loÿs [228rb] Raimbaut avoit en Brude une trop belle femme a amie, et l’amoit de tout son cuer parfaitement. Quant il chevauchoit de Brude a Anse il la recommandoit a Lymosin, qui estoit son compaignon d’armes ou­quel du tout il se confioit. Lymosin fist de la bonne damoiselle si bonne garde^m que il en otⁿ toutes ses volentez, et tant que Loÿs Rainbaut en fu si enfour­mez que plus pot. De ceste aventure il cueilli en si grant hayne son compaignon, que pour lui faire plus grant blasme^o il le fist prendre par ses varlés, et le fist mener et courir tout nu en ses braies^p, et batre d’escourgiees^q, et sonner la trompete devant lui, et a chascun carrefour crier son fait, et puis banir de la ville comme un trahitre, et en tel estat en une simple cotte bouter hors. Et ce despit^r fist lors Rainbaut a Limosin, le quel despit il ne tint pas a petit mais a tresgrant, et dist qu’il s’en vengeroit quant il pourroit, si comme il fist puis^s.

« Lymosin, du temps que il avoit esté en bon arroy en Brude, en alant de Brude a Anse et en chevauchant aussi le paÿs de Villay^t, avoit tous­jours trop fort deporté la terre au seigneur de la Volte⁴, un baron demourant sur la riviere du Rosne, car il l’avoit servy dés sa premiere jeu­nesce. Si s’avisa que il retourneroit a ce besoing devers lui, et lui crieroit merci, et lui prieroit que il lui voulsist faire sa paix en France, et il seroit a tousjours mais bon et loyal François⁵. Il s’en vint a la Volte – moult bien y savoit le chemin – et se bouta en un hostel, car il estoit tout de pié. Et puis quant il sçut que heure fut, il ala ou chastel devers le seigneur. On ne le vouloit laissier entrer en la porte ; toutefoiz, par couvertes^u paroles il parla tant que le portier le mist dedens la porte, mais il lui defendi qu’il n’alast plus avant sans commande­ment. Il obeÿ volentiers. Le

1. La Saône, rivière née dans le département des Vosges qui se jette dans le Rhône.
2. Le traité de Brétigny avait exigé comme garant de ses conditions un nombre conséquent d’otages français. Leur absence, selon Froissart, leur coûtait cher (sur le traité de Brétigny, voir Sumption, Trial by Fire…, 445-8, et Index).
3. Rapport, quelquefois de longue durée, unissant deux combattants dans une fraternité d’armes et d’aide mutuelle (se partageant risques et profits).
4. La-Voulte-sur-Rhône, chef-lieu de canton (Ardèche). Le seigneur en fut probablement Louis d’Anduze.
5. C’est-à-dire qu’il resterait toujours fidèle à la couronne de France.