[215va] plain de grant vaillance, s’excusa et dist que la garnisona n’estoit pas sienne, et que l’eritaige du roy d’Angleterre il ne pouoit vendre, donner ne aliener que il ne feust trahistre, la quele chose il ne vouloit pas estre, mais loyal envers son naturel seigneur1. Et quant on lui bailla le fort, ce fu par condicion que il jura solennellement par sa foy, en la main du prince de Galles, que le chastel de Lourde il garderoit et tendroit contre tout homme, se du roy d’Angleterre il n’estoit la envoiez, jusques a la mortb. On n’en pot onques avoir autre response, pour don ne pour promesse que on sceust ne peust faire. Et quant le duc d’Anjou et son conseil virent que ilz n’en aroient autre chose, et que ilz perdoient leur peine, si se deslogierent de Lourde ; mais a leur deslogement la ville dessoubz le chastel fu telement arse que il n’y demoura riens a ardoir.
« Adonc se retraÿ le duc d’Anjou et tout son ost en costoiant Berne, vers le Mont de Marsen, et avoit bien entendu que le conte de Fois avoit pourveu toutes ses garnisons de gens d’armes. De ce ne li savoit il nul mal gré, mais de ce que ses gens de Berne tenoient contre lui Lourde, et n’en pouoit avoir raison. Le conte de Fois, si comme je vous ay cy dessus dit, se doubta en celle saison grandement du duc d’Anjou, combien que le duc ne li fist point de mal. Toutefoiz voulsissent bien le conte d’Ermignach et le sire de Labreth que il lui eust fait guerre, mais le duc n’en avoit nulle volenté. Et envoya devers lui a Ortais, endementres que ilc logoit entre le Mont de Marsen et la Boced de Labreth2, messire Pierre de Bueil3, le quel portoit lettres de creancee.
« Quant messire Pierre de Bueil fut venus a Ortais, le conte de Fois le reçut tres honnourablement, et le logea ou chastel d’Ortais, et lui fist toute la meilleure [215vb] compaignief qu’il pot, et lui donna mulles et coursiers, et a ses gens autres beaux dons, et envoya par li au duc d’Anjou quatre levriers et deux alans d’Espaigne si beaux et si bons qu’a merveillesg. Et ot adonc secrez traittiez entre le conte de Fois et messire Pierre de Bueil, desquelz traictiez nous ne sceusmes riens de grant tempsh, mais depuis par les incidences qui en vindrent, nous en supposasmesi bien aucune chose, et la matiere je la vous diray, et endementresj venrons nous a Tharbe.
« Moult tost aprés ce que le duc d’Anjou ot fait son voiage et qu’il fu retrait a Thoulouse, advint que le conte de Fois manda par ses lettres et par certains messages a Lourde a son cousin messire Pierre Arnault de Berne, que il venist parler a lui a Ortais. Quant le chevalier vit les lettres du conte de Fois et vit le message qui estoit notable, eust pluseurs ymaginacions, et ne savoit le quel faire, de y venir ou du laissier. Tout consideré, il dist que il y venroit, car il n’oseroit nullement courroucier le conte de Fois. Et quant il deustk partir, il vint a Jehan de Berne son frere, et lui dist, presens les compaignons de la garnisonl:
« “Jehan, monseigneur le conte de Fois me mande, je ne sçay pas pourquoy, mais puis que il veult que je voise parler a lui, je yray. Or me doubte je grandement que je ne soie requis de rendre la forteresce de Lourde, car le duc d’Anjou a celle saison costoioit son païs de Berne, et point n’y est entrez. Et si tend le conte de Fois, et a tendu longuement, a avoir le chastel de Mauvoisin pour estre sire de Lane de Bouq et des frontieres de Couminges et de Bigorre. Si ne sçay pas se ilz ont traittiez entre lui et le duc d’Anjou,