202r

[202ra] heritaige que Jehan de Tristemare¹ son filz tient et possede. Et vous savez que par mariage mon frere et moy² avons les droites heritieres du royaume de Castille, filles au roy dam Pietre qui fu vostre cousin germain, et sur l’estat que pour aidier a reconquerir^a, ainsi que^b tous bons seigneurs doient estre^c enclin au droit et non au tort. Vous nous escrisistes et mandastes en Angleterre par vostre chevalier^d que vëez la, que nous voulsissions^e emprendre d’amener^f en ce païs la somme de .ij. mille lances, et la quantité de .iij. ou de .iiij. mille archiers^g. Avecques l’aide que vous nous feriez, vous aviez bien^h esperance que nous recouvrerions nostre heritaige.

« Or sui je ycy venu, non pas a tant de gens que vous nous escrisistesⁱ; mais ce que je en ay^j ilz sont de grant volenté et de bonne, et oseront^k bien attendre l’aventure et la journee de bataille contre ceulx que le conte de Tristemare³ a pour le present, avecques les vostres, et mal se contente­ront^l de vous et de vostre affaire se nous n’avons la bataille. »

Teles paroles et autres avoit demonstré^m le conte de Cantebruge avant son departement au roy de Portingal⁴, le quel roy les avoit bien oÿes et entendues, mais non obstant ce, onques il ne s’osa combatre ens es plainsⁿ de Salenence^o5, quant ilz furent l’un devant l’autre, aux Espaignolz, ne point ne le trouvoit^p en conseil^q de ceulx de son paÿs. Et lui disoient :

« Sire, la puissance du roy de Castille⁶ est maintenant trop grande, et se par fortune ou mesa­venture vous perdiez la journee, vous perdriez vostre royaume^r sans recouvrer^s. Si vous vault miex souffrir que faire chose ou vous aiez dom­maige ne peril^t. »

Et quant le conte de Cantebruge voit⁷ que^u il n’en aroit autre chose, lui retourné [202rb] a Luse­bonne, il fist appareillier sa navie^v, et prinst congié au roy de Portingal et entra en mer avec ses gens^w. Et ne voult pas laissier Jehan son filz en Portingal dalés le roy, ne la da­moiselle⁸ qui devoit estre sa femme, car li enfes⁹ estoit encores jeunes assez. Et s’en retourna le conte en Angle­terre avec ses gens, ne nul ne demoura derriere. Ainsi se porta pour la saison l’armee de Portin­gal^x.

§ 3.

Comment le frere bastart du roy de Portingal¹⁰ fut esleu a roy aprés la mort son frere, contre la voulenté des nobles^y.

Or^z advint que quant le conte de Cantebruge fu retournez en Angleterre sur l’estat que vous avez ouy^aa, et que il ot demonstré^ab a son frere le duc de Lencastre¹¹ l’ordonnance^ac de ce roy Fer­rant de Portingal et de ses gens^ad, si fu grandement pensif^ae, car il veoit que^af les besoignes et li conqués de Castille leur esloignoient, et si avoit^ag son cousin^ah le roy Richart d’Angleterre^ai12 conseil delez li qui ne li estoit pas trop propices, et par especial y estoit le conte^aj d’Asquesufort¹³ [qui estoit]^ak tout le cuer du roy^al. Cil conte mettoit tout le trouble que il pouoit^am entre le roy et ses oncles. Et lui disoit :

« Sire, se vous voulez faire la main de voz deux oncles, monseigneur de Lancastre et mon­seigneur de Cantebruge, ilz contenront^an bien tout l’argent d’Engleterre en la guerre^ao d’Espaigne¹⁴, et si n’y conquerront^ap ja riens. Il vault trop miex que vous vous tenez delez ce qui est vostre^aq, vos gens et vostre argent, que ilz soient espars en païs ou vous ne pouez avoir nul proufit, et que vous gar­dez et defendez vostre heritaige, le quel on vous guerrie a tous lez par France^ar et par Escoce¹⁵, que vous emploiez vostre temps ailleurs. »

Le jeune roy s’enclinoit fort^as aux paroles de ce conte, car il l’amoit de tout son cuer pour tant que ilz^at avoient esté nourris ensemble. Le conte d’As­quesufort

 

1. Jean, fils d’Henri ; succéda au trône de Castille en 1379 comme « Jean 1^er ».
2. Edmund (qui parle) et son frère aîné, Jean, duc de Lan­caster, revendiquaient des droits en Castille acquis par leurs mariages aux sœurs Constance et Isabelle, filles du roi Pierre 1^er « Dampietre », †1369.
3. Jean de Trastamare.
4. Ferdinand (Fernando en portugais), roi de Portugal de 1367 à 1383.
5. Peut-être Olivenza au sud-ouest de Badajoz, prov. Es­trémadure (Espagne).
6. Jean II (roi en 1381/1382).
7. Le temps présent surprend un peu ici mais demeure un fait assez courant en moyen français, dans une phrase où domine le prétérit ; il s’agit du présent dit dramatique ou d’immédiat­eté.
8. Isabelle.
9. C’est-à-dire « l’enfant ». Le scribe de Bes, linguistiquement conser­vateur, maintient ici la distinction entre cas sujet (li enfes) et cas régime (l’enfant).
10. João 1^er, fils bâtard de Pierre 1^er, élu au trône de Portugal en 1385 à la mort de son frère légitime, Ferdinand 1^er.
11. Jean de Gand, duc de Lancaster, fils d’Édouard III ; grand personnage dans la vie politique et militaire de l’Angleterre du dernier quart du XIV^e siècle. †1399. Voir surtout Anthony Goodman, John of Gaunt. The Exercise of Princely Power in Fourteeenth-Century Europe, Longman (Harlow, 1992).
12. Richard II, fils d’Édouard de Woodstock, prince de Galles, et petit-fils d’Édouard III ; régna en Angleterre de 1377 à 1399. Voir surtout Nigel Saul, Richard II, Yale University Press (New Haven et Londres, 1997).
13. Robert de Vere, comte d’Oxford (et, plus tard et successive­ment, marquis de Dublin et duc d’Irlande ; †1392) ; eut une grande influence sur le jeune Richard II. Accusé en 1388, avec d’autres, de trahison.
14. Froissart veut dire le royaume de Castille.
15. L’Écosse.