que sus
nulz des aultres, pour tant que on veoit bien que ce estoient les maistres.
¶ Dont il avint que messire Pierre de Joy eubt mort dessoubz luy son coursier, et a
grant painne fut il tirés de leurs gens dedens les barrieres; et messire Pierre Taillepiet
fut ferus d’une glaive tout oultre la cuisse, et d’une fleche tout parmy le bachinet et dedens la
teste, et vint morir le cheval sur quoy il seoit dedens la porte asséz pres. A l’entrer en la ville y eubt beaucop des mors et des bleschiéz, plus de quarante. On estoit
monté en la porte; si traioient kanons et bombardes sus ces
Anglois,
par lesquelx traitz ilz se reculoient tant que ilz n’oserent approchier ne eulx bouter dedens.
Ainsi se porta ceste premiere escarmuche des
Rocellois et des
Anglois.
¶ Quant ilz orent escar
muchiéz jusques bien prez de nonne, le conte d’Arondel fist sonner le retraitte. Dont se retraiterent moult ordonneement et par bon arroy gens
d’armes et archiers et tout le pas jusques a leurz logeiz, et la se desarmerent et penserent
d’eulx, car ilz avoient bien de quoy; de vins et de chars estoient ilz bien pourveüs, car moult en
avoient trouvé sus le paÿs. Si se tindrent ces seigneurs et chevaliers d’
Angleterre la, envi
ron Marant et la Paliche ou la
droitte havene est, plus de XV jours, toudis attendans les armes et les
aventures; mais depuis n’issirent point hors de La Rocelle nulles gens d’armes
pour escharmuchier, ne resvillier les
Anglois, car ilz veoient bien que les
Anglois se maintenoient et portoient saigement; et aussy leurs deux cappitainnes estoient bleschiéz, pourquoy les aultres avoient bien cause de
eulx tenir tout quoy.
¶ Bien est verité que le conte d’Arondel envoya par IIII foiz courrir
sus le paÿs de
Rocellois vers
Subisse et en la
terre de
Touwars messire Guillaume Helmen; et y porterent cilz qui envoiéz y furent,
grant dommaige, dont le paÿs fut moult effraéz, et encoires eussent ilz esté plus et euissent fait
aultre esploit d’armes les
Anglois, se ilz eussent eu chevaulx; mais nulz n’en
avoient fors que petit, encoires les avoient ilz trouvéz sus le paÿs. Plenté ne fut ce pas.
¶ Car si tost que le plat paÿs fut enfourméz de leur venue, tout se trairent a garant et
s’encloirent en ses bonnes villes, eulx et le leur.
¶ Et quant l’armee de mer, si comme je vous
compte, ot esté et sejourné sus le païs
de
Rocellois environ XV jours, et qu’ilz se furent bien
raffresquis, et ilz veirent que nul ne venoit a l’encontre d’eulx, pour eulx veer ne calen
pb 292 v