les seigneurs et tous caroys, de quel paÿs qu’ilz
furent. L’apparant de ce voyaige fut si grant que merveilles estoit a considerer. Et
encoires estoit le duc de Bretaingne a
Paris, et ne pooit avoir nulle
fin, ne delivrance du roy, qui se tenoit le plus pour celle saison a
Monstruel
four Ione; mais on luy faisoit bonne chiere, et estoit servis de belles parolles et de
courtoisis, et luy pryoient les seigneurs que point il luy annoyast et qu’il auroit hasteement
delivrance, mais on avoit tant affaire pour ce voyaige qui s’entreprendoit pour aler en
Alemaingne, que on n’entendoit a aultre chose.
¶ Ainsi se souffroit le duc qui n’en pouoit avoir aultre chose, car, puis qu’il estoit si
avant que dedens
Paris, il se vouloit partir au gré et plaisir du roy et
des seigneurs, mais il sejournoit la a grans frais, despens et coustaiges.
Quant on vey que c’estoit acertes et que le voyaige de
Guerlles se
feroit, car ja estoit la taille toutte ordonnee parmy le
royaulme de France, et paioient
touttes gens, chascun selon sa porcion et quantité, voires s’il n’estoit gentilhomme, chevalier
ou escuier et tailliéz de servir le roy en armes.
¶ Or distrent pluseurs saiges hommes parmy le
royaulme de France et ou conseil
du roy et hors du conseil que c’estoit grant oultraige de conseil
lier le roy de France d’aler si loings requerre ses ennemis que en l’
empire
d’Alemaingne et qu’il mettoit le royaulme en grant aventure, car il estoit jonnes
et grandement en la grace de tout son peuple, et que il devroit souffire que se l’ung
de ses oncles ou les deux
y aloient, et le connestable
de France, et V ou VI
M lances, et non pas la personne du roy. Bien estoient les oncles du roy de ce conseil et de cel
accord, et le remonstrerent moult saigement et pour grant bien au roy, affin que il se
voulsist deporter; mais, quant ilz en parlerent, il fut tout courrouciéz, et respondy et dist: "Se vous y aléz sans moy, ce sera oultre ma plaisance et voulenté, et avec tout ce vous n’aréz
point d’argent. Aultrement ne vous puis je contraindre. "
¶ Quant le
duc de Berry et le
duc de Bourgoingne oyrent la response du roy, et ilz cogneurent et sentirent le grant affection qu’il avoit a aler en ce voyaige, si
respondirent: "Dieux y ait part, et vous yréz dont, ne sans vous nous ne ferons ja le
voyaige; soiéz en tout confortéz."
¶ Or regarderent les seigneurs et prochains du roy et de son conseil une
chose qui moult estoit necessaire a faire; je vous diray quelle. Entre le
roy de France
et le
roy d’Alemaingne a de long temps grandes ordonnances, que nulz des deux ne puet en
pb 299 v