celle part toutes gens la ou les feux apparoient. Et
estoit ordonné que on lairoit paisiblement le roy de France et sa navie prendre terre et
entrer sus le paÿs, et estre trois ou quatre jours; et tout
premier avant que on les alast combatre, on yroit conquerre la navie et toutes les
nefs sus la mer et destruire et perdre toutes leurs pourveances, et puis venroit on sus les
François non pour combatre si tost, mais pour herier ne leurs gens ne pourroient, ne
oseroient aler fouragier, ne ilz ne trouveroient quoy ne ou fouragier, car le plat paÿs seroit tout
perdu davantaige, et en
Engleterre est ung paÿs mauvais a chevauchier; si les
affameroit on et metteroit a fin de eulx mesmes. Telle estoit l’oppinion et le conseil d’
Engleterre. Et fu le pont de la ville de Rocestre condempné a deffaire, si
comme il fu la ou une grosse riviere queurt, qui vient d’amont de la conté
Dresesses et d’Arondel et rentre en la mer et en
la Tamise a l’encontre de
l’isle de Copee, et le dit
pont fistrent abatre
ceulx de
Londres pour estre plus asseuréz. Et vous di que les tailles estoient grandes et vilaines en
France sus les hommes des villes; aussi furent elles en celle saison durement
grandes en
Engleterre et tant
que le paÿs s’en doly grant
temps depuis; mais trop volentiers poieoient les gens pour la cause de ce que ilz feussent mieux
gardéz et deffendus, et se trouvoient bien en
Engleterre C
M archiers et V
M hommes d’armes, quoyque le duc de
Lancastre eust sa charge grande et grosse menee en
Castille, si comme il
est icy dessus contenu.
SHF 3-106 sync Duquel duc nous parlerons ung petit
et compterons les acointances de lui et du roy de Portingal, et puis retournerons a
Engleterre, car la matiere le desire, qui veult aussi bien parler de l’un comme de
l’autre.
Vous savéz, si comme il est cy dessus contenu en ceste hystoire,
comment le duc de Lancastre a belle charge de gens d’armes et d’archiers estoit arivé
a La Calongne en Galice, et par composition la ville, non le chastel, s’estoit rendue a lui, et avoient dit ainsi que ilz feroient tout ce que les autres villes de
Galice feroient; et sus cel estat on ne les avoit pas combatus ne assaillis depuis
que ilz eurent ditte la parole. Et estoient le duc et la duchesse et leurs
enfans venus depuis la
ville de Saint Jaques, laquelle on apelle ou paÿs Compostelle, et la se tenoient et avoient intention de tenir, tant que ilz aroient autres nouvelles du roy de Portingal, qui se te
pb 120 r