pb 66 v
emprist a conduire et mener sauvement, et croy bien qu’il s’en acquitta. SHF 3-52 sync Ainsi eurent les François le chastel de La Bousee; si fu baillié a ung escuier du paÿs pour le garder et toute la terre aussi, lequel s’appelloit Bertrand de Montesquier. Puis passerent oultre les seigneurs et leurs gens et s’en vinrent devers le chastel de Pulpuron que grans pillars tenoient, desquelz Augeros Petit Mescin estoit souverain cappitaine, et avoient fait moult de dommages ou paÿs, pourquoy messire Gaultier de Pasac avoit juré l’ame de son pere que nul ne seroit pris a mercy ne a raençon, mais seroient tous pendus, ne ilz n’aroient autre fin. Tant esploiterent ces seigneurs et leurs gens que ilz vinrent devant Pulpuron, et y mistrent le siege. C’est ung chastel qui siet sus une motte de roche tout a l’environ et est moult jolis et de belle vue. La fu mis le siege, et jura messire Gaultier que jamais ne s’en partiroit, si l’aroit et ceulx de dedens, se ilz ne s’envoloient ainsi comme oyseaulx. La ot plusieurs assaulz fais, mais petit y gaingnierent les François, car
le chastel
est de bonne garde. "Je ne sçay", dist messire Gaultier, "comment les
choses se porteront; le roy de France est riche asséz pour tenir icy
ung siege, mais si je y devoie demorer ung an, si ne m’en partiray, si l’aray." On s’en tenoit bien a ce que il en avoit dit et juré, et s’ordonnoient tous ceulx qui estoient au siege selonc ce. Or, vous diray que il en avint. Quant le cappitaine vey que ce estoit a certes et que les seigneurs de France, qui la estoient, ne se departiroient point, quoyque il coustast, sans avoir le fort, si se doubterent et, voulsissent ou non les François, ilz se pouoient bien sauvement partir quant ilz voloient, car ou chastel a une croute qui est en une cave et celle croute a une allee dedens terre plus de une demie lieue, et la ou elle vuide c’est en ung bois, duquel chemin et ordonnance on ne se donne garde, et adont par special on ne s’en donna garde. Quant Augeros, le cappitaine du chastel, vey l’ordonnance du long siege et que point ne se departiroient sans eulx avoir, fust par affamer ou aultrement, si se doubta et dist a ses compagnons: "Seigneurs, je voy bien messire Gaultier de Pasac nous a trop grandement chargiéz en haynne, et me doubte que par lonc siege il ne nous affame cy dedens. Il ne li fault que ordonner une bastide et laisser seulement cent lances dedens. pb 67 r
emprist a conduire et mener sauvement, et croy bien qu’il s’en acquitta. SHF 3-52 sync Ainsi eurent les François le chastel de La Bousee; si fu baillié a ung escuier du paÿs pour le garder et toute la terre aussi, lequel s’appelloit Bertrand de Montesquier. Puis passerent oultre les seigneurs et leurs gens et s’en vinrent devers le chastel de Pulpuron que grans pillars tenoient, desquelz Augeros Petit Mescin estoit souverain cappitaine, et avoient fait moult de dommages ou paÿs, pourquoy messire Gaultier de Pasac avoit juré l’ame de son pere que nul ne seroit pris a mercy ne a raençon, mais seroient tous pendus, ne ilz n’aroient autre fin. Tant esploiterent ces seigneurs et leurs gens que ilz vinrent devant Pulpuron, et y mistrent le siege. C’est ung chastel qui siet sus une motte de roche tout a l’environ et est moult jolis et de belle vue. La fu mis le siege, et jura messire Gaultier que jamais ne s’en partiroit, si l’aroit et ceulx de dedens, se ilz ne s’envoloient ainsi comme oyseaulx. La ot plusieurs assaulz fais, mais petit y gaingnierent les François, car
le chastel
est de bonne garde. "Je ne sçay", dist messire Gaultier, "comment les
choses se porteront; le roy de France est riche asséz pour tenir icy ung siege, mais si je y devoie demorer ung an, si ne m’en partiray, si l’aray." On s’en tenoit bien a ce que il en avoit dit et juré, et s’ordonnoient tous ceulx qui estoient au siege selonc ce. Or, vous diray que il en avint. Quant le cappitaine vey que ce estoit a certes et que les seigneurs de France, qui la estoient, ne se departiroient point, quoyque il coustast, sans avoir le fort, si se doubterent et, voulsissent ou non les François, ilz se pouoient bien sauvement partir quant ilz voloient, car ou chastel a une croute qui est en une cave et celle croute a une allee dedens terre plus de une demie lieue, et la ou elle vuide c’est en ung bois, duquel chemin et ordonnance on ne se donne garde, et adont par special on ne s’en donna garde. Quant Augeros, le cappitaine du chastel, vey l’ordonnance du long siege et que point ne se departiroient sans eulx avoir, fust par affamer ou aultrement, si se doubta et dist a ses compagnons: "Seigneurs, je voy bien messire Gaultier de Pasac nous a trop grandement chargiéz en haynne, et me doubte que par lonc siege il ne nous affame cy dedens. Il ne li fault que ordonner une bastide et laisser seulement cent lances dedens. pb 67 r