The Online Froissart

Facsimile mode Settings Browse | Collate

pb 38 v
que lez nouvellez furent sceuez en Boulenois, en Ternois et en le conté de Ghinez,
si se aviserent chevalier et escuier dou païs, et fissent traire ens es fors tout ce
que leurs gens avoient, se il ne le voloient perdre. Et les cappitainnes tellez
que le cappitainne de Boulongne, le cappitainne d’Arde, de le Montoire,
d’Esprelecque, de Tournehem, de Hamez, de Lisques et des castiaulx sus les
frontieres entendirent a pourveir grandement leurs lieus, car

bien savoient,
puisque li Englés passoient a tel flote, que il aroient l’assaut.

Lez nouvellez
dou passage furent segnefiiez au roy Charle de Franche, qui se tenoit a Paris,
si envoiia tantos deviers le signeur de Couchi qui estoit a Saint Quentin, que
il se pourveist de gens d’armez et s’en alast en Picardie, et reconfortast
les villez, les cittéz et les catiaulx. Ly sires de Couchi obbeï au mandement
dou roy, che fu raisons, et resvilla chevaliers et escuiers d’Artois, de Vermen
dois et de Picardie, et fist son mandement a Pieronne en Vermendois. Et
estoit pour che tamps cappitainne d’Arde ly sirez de Saintpi, et de Boulon
gne messire Jehans de Lonvillers, de Monstruel sur le Mer messires Jehans de
Fosseux. Si ariva a Callais trois jours devant le Mada
laigne, ou mois de julle, li contez de Boukinghem, en l’an de Grace Nostre
Signeur mil CCC et IIIIXX.
SHF 2-141 sync Quant li contez de Boukinghem fu arivéz a Callais, li compaignon en
eurent grant joie, car bien savoient que point longhement ne se
journeroient la que il n’alaissent en leur voiage. Ly contez se rafresqui
deus jours a Callais, et au tierch jour partirent et se missent sus les camps
et prissent le chemin de Marghingue. Or est il drois que je vous nomme
lez banneréz et les pennonchiers qui la estoient. Premierement, le conte Thu
mas de Boukinghem, le conte d’Asquesufort, qui avoit sa niece espousee, fille
au signeur de Couchi. Apriéz, le conte de Devesciere. Apriés chevauchoit, ba
niere desploié, li sirez Latiniers, qui estoit

connestablez de l’ost, et puis
ly sirez de Fil Wattier, mareschaulx. Aprés, le signeur de Basset, le signeur
de Boursier, le signeur de Ferrierez, le signeur de Morlais, le signeur d’Arsi,
messire Guillaume de Windesore, messire Hue de Cavrelee, messires Robers Canolles,
messires

Huez de Hastinguez, messire Huge de la Souce. A pennon, messires Thumas
de Persi, messires Thumas Trivet, messires Guillaume Clnton, messires Yon de Fil Warin,
messires Huge Toriel, le signeur de Vertaing messires Ustasse, messires Jehan de
Harleston, messires Guillaume de Ferinton, messires Guillaume de Briane, messires Guillaume
Draiton, messires Guillaume Franke, messires Nicolle et messires Jehan d’Aubrecicourt,
messires Jehan Masse, messires Thumas Camois, messires Raoul, fil le signeur de pb 39 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.