pb 113 r
il vei que pais seroit entre cez partiez et que nulle besongne de bataille n’y aroit, si
s’avisa que il n’isteroit pas d’Espaigne enssi sans faire quelque cose. Et envoia un
hiraut de leur costé en l’oost des Engléz, en requerant et priant, puisque lez ar
mez par bataille de ces rois falloient, que on le vosist requellir de trois cours de
fier de glavez devant la citté de Badeloce. Quant les nouvellez vinrent en
l’oost des Englés, si en parlerent li compaignon ly un a l’autre, et dissent bien
que il ne devoit pas estre refusséz, adont s’avancha de parler et d’acorder lez
armez uns jonez escuiers d’Engletiere qui s’appelloit Millez de Windezore, filz
a messire Guillaume de Windesore, qui voloit a son honneur estre chevaliers en che voi
age, et dist au hiraut : "Amis, retournéz devers vos maistrez. Et ditez a messire
Tristran de Roie que Millez de Windezore ly mande que demain devant
la citté de Badeloce, enssi qu’il le requiert, il l’ira delivrer." Ly hiraus retourna
et recorda cez nouvellez a ses maistrez et a messire Tristran, qui en fu tous res
jois. Quant che vint au matin, Millez de Windezore parti de l’oost le conte
de Cambruge, et s’en vint vers Badeloce, qui estoit moult priés de la, il n’y
avoit que la montaigne a passer, bien acompaigniéz de ceulx de son costé,
de messire Mahieu de Gournay, de messire Guillaume de Biaucamp, de messire Thomas
Simon, de messire le Soudich, dou signeur de Castiel Noef, dou signeur de la
Barde et des autrez, et estoient bien C chevaulx sus la place ou les ar
mez devoient estre faitez. Et estoit ja venus messires Tristrans de Roie, bien
acompaigniéz de Franchois et de Bretons, ils et Millez de Windezore sa
voient bien quel cose il devoient faire, la fu Millez fais chevaliers de la
main messire le Soudich de l’Estrade pour le milleur chevalier de la place et
qui le plus avoit travilliet et s’estoit trouvéz en bellez besongnes. Il
estoient armés de toutez piecez et avoient leurs III lancez toutes
prestez et leurs chevaux ossi et tout en platez sellez. Adont espero
nnerent il l’un contre l’autre et abaissierent lez glavez, et se consi
euirent en venant l’un sus l’autre moult roidement, et rompirent
contre leurs poitrinez lez glavez, et passerent oultre francement
sans cheoir. Ceste premiere jouste fu volentiers veue de tous ceulx
qui la estoient, et prisiet li doy chevalier. A la seconde fois il recouvre
rent et s’entrecontrerent de grant randon. Et rompirent leurs lancez,
mais point de damage ne se porterent. Adont recouvrerent il la tierce lance,
et se consieuirent enmy les escus si roidement que ly bon fier de Bourdi
aulx entrerent ens et lez petrusierent et passerent le pieche d’achier,
les platez et toutez les armeurez jusquez en char, mais point ne se blecerent. pb 113 v