pb 112 r
roy et fist son mesage et conta tout ce que li rois de Portingal mandoit, et comment de
grant volenté il acordoit la bataille et liveroit place entre Elvéz et Val de Yosse,
et la dedens V jours, li retourné a Lusebonne, il trouveroit le roy de Portingal
logiet et toutez ses gens, qui ne desiroient el que le bataille. De ces nouvelles
furent li Espagnol tout resjoy, et ossi furent li François. Et prissent messires Tri
strans de Roye, messires Jehans de Berghettez, messires Pierez de Velinnez et autre le
chevalier de Portingal entre eux, et le festiierent un jour tout entier moult gra
ndement a Sebille et li fissent toute la bonne compaignie que on poeut faire a chevalier,
et le reconvoiierent jusquez a Safre, et puis retournerent ariere a Sebille, et li chevalier
chevaucha tant que il vint devers le roy de Portingal et les signeurs et recorda
son mesage, enssi comme il l’avoit fait, et le response que on li avoit donné, de ce
se contempterent ly rois et li chevalier.
SHF 2-258 sync Depuis ne demora gaires de tamps que li rois de Portingal s’en vint logier
en la place que ses gens avoient aviset entre Elvés et Val de Yosse, ens
uns biaus plains desous les oliviers, et la amena le grigneur partie de ceulx de
son roiaulme, dont il se pooit aidier. Et estoient environ XV mille hommez, le
tierch jour apriés, vint li contez de Cambruge et tout ly Englés moult ordonnee
ment, et estoient en compte environ VI cens hommez d’armez et otant d’archiers, et
s’en vinrent logier en che propre lieu, et prissent place pour eux, et se severerent
des gens le roy et se tinrent tout ensamble. Quant ly rois d’Espaigne sceut
que ly rois de Portingal estoit venus et trais sour les camps ou la bataille
devoit estre, si en fu par samblant moult liéz. Et dist : "Or avant ! Nostre ennemy
nous atendent, il est heure que nous chevauchons, nous leur mandamez la
bataille, il le nous ont acordé et tiennent la journee selonc leur convenant,
ne puet remanoir que il n’y ait besongne, traions nous tout de celle part."
Adont furent segnefiiet toutez gens d’armez a leurs livreez de traire avant.
Car ly rois voloit chevauchier. Si se departirent de leurs logis tout chevalier et
escuier et gens d’armez, Genevois et geniteurs, et sieuirent toutez les bani
eres dou roy dam Jehan de Castille, qui s’en vint logier francement a deus
petitez lieuez de Val de Yesse et des plains de Elvéz. Et avoit li rois d’Esp
aigne en sa compaignie plus de XXX mille combatans, parmy lez geniteurs.
Et estoient en toute somme LX mille hommez.
SHF 2-259 sync En cel estat se tinrent cez deus hoos l’un devant l’autre, et n’y avoit d’entre
deus que la montagne de Badeloce, qui est une grosse ville dou roy d’Es
pagne, et la s’aloient ses gens, quant il voloient rafreschir. Et la citté
de Elvéz siet d’autre part, qui est au roy de Portingal. Entre ces deus hoos pb 112 v