pb 103 r
ces gens en la route dou Canonne, un jour tout entier, en revenant vers Ville
Vesiouse. Le second jour au matin, a heure de prime, que les embusquez se
descuevrent, il chevauchoient tout ensamble bien ordonneement et estoient
entre une grosse ville en Portingal que on dist Clivence et le castiel dou
Conciel, et droitement au dehors d’un bois, plus priéz dou castiel dou Conciel
que de Clivence, estoit en embusque ly maistrez de Saint Jaque, a bien CCCC
hommez d’armez. Sitost que ly Englés les perchurent, il se remissent tout
ensamble et ne monstrerent point de samblant d’effroy. Et chevauchierent
le bon pas. Chil Espagnol, com grant fuisson qu’il fuissent, ne monstrerent
nul samblant ne ne fissent de yaulx desbusquier, mais se tinrent toudis
en leur enbusque. Et quidoient par imagination que ly Englés eussent
assés priéz de la leur grosse bataille, pour che ne les osserent il envair.
Car, se il seuissent justement leur convenant, il y eust eu hustin. Enssy
se departirent il ly un de l’autre sans riens faire, ly Espagnol retournerent
che soir a Estris. Et li Canonnez a Ville Vesiouse, qui recorda a ses com
paignons comment il avoient veü les Espaignolz en embusque entre le
Conciel et Clivence. Et dist : "Se nous eussions esté tout ensamble, nous lez
eussions combatus." Si se repentoient li chevalier grandement de ce que il avoient
laissiet l’un l’autre. Enssi se porta ceste premiere chevauchié que li Englés
et li Gascon fissent. Et quant lez nouvellez en vinrent au roy de Portin
gal, si monstra par samblant que il en fust courouchiéz, et pour tant que
il avoient chevauchié hors son commandement et ordonnance.
SHF 2-242 sync Enssi se tinrent tout cel yvier li Englés et Gascon en leurs garnissons
sans point chevauchier ne a faire cose qui a recorder face, dont il leur
anoioit grandement, et ne demoroit pas a yaulx que il ne fesissent armez.
Entruéz se pourveoit ly rois dans Jehans de Castille, et avoit envoiiet
en France devers le roy et sez onclez au secours, en yaulx segnefiant cou
ment ly contez de Cambruge estoit venus et arivéz en Portingal, et estoit
la vois par tout les roiauimez de Castille et de Portingal que ly dus de Lan
castre, ses frerez, poissament acompaigniéz, venroit en leur aide a l’esté,
pourquoy il requeroit au roy, selonc les aliancez et confederations que
il avoient ensemble, France et Espagne, par grant conjonction d’amour, que
il fust sus le tamps d’esté confortéz de bonnez gens d’armez, par quoy il
peuist de force et de fait resister a ses ennemis. Ly consaulx dou roy de
France s’asentoit bien a tout che, et veoit clerement que li rois d’Espaigne pb 103 v