pb 97 r
feréz encorez, se Dieu plaist, bon chevalier car vous en avéz un tres bon commenchement."
SHF 2-230 sync Apriés le destrucion de la ville de Granmont, qui fu par I diemence ou mois
de jun toute arse toute perie, se tint li siegez devant Gaind. Et la estoit
ly jonez sirez d’Enghien, qui s’appelloit Gautiers, qui petit reposoit et sejournoit
en son logis, mais queroit tous lez jours lez armez et lez aventurez, une fois bien
acompaigniéz de si grant fuisson de gens que il reboutoit ses ennemis, et l’autre
fois a si petit de gens que il n’osoit perseverer en sez emprisez. Si retournoit, et
priezque tous lez jours, ou par li, ou par le Halze de Flandrez y avenoient armez. Et
avint environ un mois aprés, I joedi au matin, que ly sirez d’Enghien estoit
issus hors de son logeis, le signeur de Montegny en sa compaignie, messire Mikiel
de le Hamaide, sen cousin, dalléz ly, le bastart d’Enghien, son frere, Gillion dou
Trisson, Hustin dou Lay et pluiseurs autrez de sez gens et de son hostel, et s’en a
loient a l’escarmuce devant Gaind, enssi que autrefois avoient fait. Si se
bouterent si avant que mal leur en chey. Car chil de Gant avoient au
dehors de leur ville fait une embusque de plus de C compaignons et
tous piquenairez. Et voellent ly aucun dire que il y avoit en celle en
busque le plus des escachiéz de Granmont, qui ne tiroient a autre cose que
ce que il peuissent enclore et atraper a leur avantage le signeur d’Enghien,
pour eulx contrevengier dou grant damage que il leur avoit fait. Car
il le sentoient liberal et jovene et volentrieu de luy aventurer follement.
Et tant y penserent qu’il l’eurent, dont che fu damagez. Et pour ceulx
ossi qui la demorerent avoec ly. Ly sirez d’Enghien et sa route ne se donnerent
garde, quant il se veirent enclos de ces Gantois, qui leur vinrent fiere
ment au devant. Et les escriierent : "A la mort !" Quant ly sirez d’Enghien se
vei en che party, si demanda conseil au signeur de Montegny, qui estoit
dalléz luy : "Conseil !" respondy messires Ustasse, "sire, il est trop tart, deffen
dons nous, et se vendons nos viez che que nous poons. Il n’y a autre cose,
ne chi ne chiet nul raençon." Adont fissent li chevalier le singne de la crois de
vant leurz viairez et se recommenderent a Dieu et a saint Jorge. Et se boute
rent en leurs ennemis. Car il ne pooient fuir ne reculler, si avant estoient
il enbusquiet. Et y fissent d’armez che qu’il peurent, et se combatirent
moult vaillanment. Mais il ne pooient pas tout faire. Car leur ennemy estoient
X contre un et avoient cez longuez picquez, dont il lanchoient lez cops
trop grans et trop perilleus. Enssi comme il apparut, la fu li sirez d’Enghien ochis,
et daléz li, ly bastars d’Engien, sez frerez, et Gillez dou Trisson, et chils vaillans
et preudons chevaliers de Haynnau, qui estoit ses compains, ly sires de Montegny pb 97 v