The Online Froissart

Facsimile mode Settings Browse | Collate

pb 69 v
demorans de Flandrez. Quant li contez se vei au dessus de ceulz de Brugez et dou,
et que il avoit desoulz li chevaliers et escuiers dou païs de Haynnau et d’Artois, si se
avissa que petit a petit il reconqueroit son païs et pugniroit les rebellez. Et pre
mierement il ordonna et dist que il voloit aler veoir cheulx de Yppre. Car
il lez haioit trop grandement de che que il ouvrirent lez portez si legierement
as Gantois. Et dist bien que cil qui che tretiet avoient fait que de mettre ens
sez ennemis et de occire sez chevaliers, le comparoient crueussement, mais que il en
peuist estre au dessus. Adont fist il I mandement parmy le Franc de Brugez que
tout fuissent apparilliet. Car il voloit aler devant Yppre. Cez nouvellez vinrent
a Yppre que li contez, leurs sirez, s’ordonnoit pour eulz venir veoir et asaillir, sy
eurent conseil de segnefiier cez nouvellez a ceulz de Gaind, adfin que il leur
envoiaissent gens et confort. Car il n’estoient miez fort asséz de eulz tenir
sans l’aide dez Gantois, qui leur avoient juret et

proumis secours toutez
fois que il leur besongneroit. Si envoierent quoiteusement lettres et mesagez
as Gaind as cappitainnez, et leur segnefiierent l’estat dou conte, comment il
lez manechoit de les venir assegier et assaillir. Chil de

Gaind regarderent que
il estoient tenu par foy et par proumesse de yaulx conforter. Si avisserent
premierement deus cappitainnez, Jehan Boulle et Ernoul Clerc. Et leur dissent:
"Vous prenderéz trois mille hommez dez nostrez et en iréz hasteement a Ippre
et reconforteréz cheulx de Ippre enssi que nos bons amis." Tantos a ceste ordennance
se departirent de Gaind tout cil qui ordonné y furent, ly troi mille, et s’en vinrent
a Ippre, dont cil de la ville eurent grant joie. Ly contez de Flandrez issi de
Brugez atout grans gens et s’en vint a Tourout et a l’endemain a Popringhe
et la sejourna trois jours tant que toutes ses gens furent venu, et estoient
bien XX mille hommez.
SHF 2-194 sync Chil de Gaind, qui savoient bien tous ces convenans et comment ly contez
voloit poissanment aler devant la ville de Ippre, regarderent que il a
sambleroient leur poissance et s’en iroient par Courtray vers Ippre et feroient
vuidier cheulx de Ippre, et combateroient le conte et sez gens. Et, se il les
pooient une boine fois ruer jus, jamais ne se relleveroit. Adont se de
partirent de Gaind toutez lez cappitainez, Rassez de Harselle, Pietrez dou Bois,
Pietres le Wittre, Jehans de Launoit et pluiseurs autrez qui estoient centenier
et chiequantenier, par perroces, et se trouverent as camps plus de IX Me,
et cheminerent tant que il vinrent a Courtray

ou furent recheu a joie.
Car Jehans de Launoit en estoit cappitains. Ly contez de Flandrez, qui se pb 70 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.