SHF 1Am-0 sync
Miniature
Affin que li grant fait d’armes qui par
les guerres de
Franche et d’
Engleterre sont
avenu, soient
notablement registré et
mis en memore perpetuel par quoy li
bon y puissent prendre
exemple, je me voeil en
sonniier dou mettre en prose. Voirs est que
messires
Jehans li Biaux, jadis canonnes de Saint
Lambiert de Liege, en croniza a son temps auqune
cose. Or ay je che livre et ceste histoire augmenté
par juste enqueste que j’en ay fait en travillant
par le monde et en
demandant as vaillans hommes,
chevaliers et escuyers qui les ont aidiés a
acroistre, le
verité des
avenues. Et ossi a aucuns rois
d’armes et leurs mareschaus, tant en
Franche comme en
Engleterre ou j’ay travillié apriés yaux
pour avoir la verité de la matere, car par
droit
tels gens sont juste imquisiteur et raporteur
des besoingnes et croy que pour leur honneur
il n’en oseroient mentir.
Et sour ce je ay ce
livre fait, dictet et ordonnet parmy l’ayde de
Dieu premierement et le relation
des dessus dis
sans coulourer l’un plus que l’autre, mes li bien
fais dou bon, dou quel costet qu’il soit, y est
plainnement
ramenteus et cogneus si comme
vous trouverés en lisant. Et pour ce que ou temps
advenir on sace de verité qui ce livre mist sus,
on m’apelle
sire Jehan Froissart,
prestre net
de le ville de Vallenchiennes, qui mout de paine
et de traveil en
euch em pluiseurs mannierres
ainchois que je l’euisse compillé ne acompli, tant
que de le labeur de
ma teste et de l’exil de mon
corps. Mais touttes coses se font et acomplissent
par
plaisance et le bonne dilligence que on y a.
Ensi comme il apparra avant en cet livre
car vous y trouverés otant de grans fais
d’armes,
de mervilleuses avenues, de durs rencontres,
de grandes bataillez et de
touttes autres cosez
sus cel estat qui se dependent de membres,
d’armes et de
proeche que de nulle histoire
dont on puist lire, tant soit vielle ne nouvelle.
Et ce
doient desirer par droit a oyr tout jone
gentilhommez qui se desirent a avan
chier.
Car par le recort des bons et le renoummee des preux
se enflament
et atissent li couraige en touttes
peches.
Et
tant y sont avenu de grans fais puis l’an mil
CCC et
Space: 1 words que li
roys d’Engleterre
messires
Edouwars fu courounnés trés au vivant de
son
pere a
Wesmoustier que ils et tout chil qui avoecquez
lui ont estet en ces
batailles euwireuses et fortuneuses
en font moult a recoummander, si comme ly
propres
roys meime, li
prinches de Gaulles, ses
fils,
li
doi duchs de Lancastre,
messires Henris et
messires Jehans, qui eut
sa fille, li
comtes de Warvich,
messires Regnau de Gobehen,
messires Jehans Camdos,
messires Wautiers de Manni,
messires Jamez d’Audelee et pluiseurs autres dont je ne
puis mie de tout parler.
Et ossi li
royaummez de Franche ne fu oncquez
si desconfi que li
Englés n’y trouvaissent grant
fuison de bonne chevalerie. Et fu li
roys Phelippes
de valeur ungs vaillans homs et hardis durement
et li
roys Jehans ses fils, li
duck de
Bourgoingne,
messires Space: 3 words, li
dus de Bourbon, li
comtez
d’Allenchon et pluiseurs hauls barons et bacelers, desquelz
je ne puis
mies ossi de tous parler car trop poroie
ma principaul matere ensonniier. Si doit on
bien tenir pour preux, voire pour doubles preux,
tous
chiaux qui se sont trouvé si souvent en ces
grans batailles et fors et durs rencontres qui les
ont emprises et achievees. Et
Space: 4 words en combatant,
il en doient bien estre loé et recoumandé
entre les bons. Car li
Space: 4 words au parler
ont souvent si
comme dist li Escripture: Resusite
les mors. Or voeil je yssir de
ce
Space: 1 words et poursuiwir mon principaul prochés et remonstrer
par quelle mannierre et
condition
Space: 3 words premierement s’esmurent entre le
roy de Franche et le
roy d’Engleterre, dont tant de grant mal sont
avenu au monde par terre et par mer, si comme
vous orés recorder en ceste
histoire se il est qui
le vous lise et ossi qui le parface.
SHF 1Am-1 sync
Certainne cose est que li oppinions communelment
des
Englés est telle, et ja par experiense l’a on
veü avenir en
Engleterre
puis le tamps le
vaillant
roy Edouwart, qui fu tayons a celui
Edouwart dont je ferai enssuiwant mention et sour qui
ceste histoire est
coummenchie, que apriés ung
vaillant roy on en a veü regner ung mains
vaillant.
Et encoirez
chils
bons roys Edouars,
qui tant eult affaire as
Danois et as
Escos et qui
les desconfi par pluiseurs fois en
bataille,
ses
fils li seconds Edouars ne fu mies si vaillans
ne si renoummés ne plains de si grant prudense
que li
roys ses peres avoit
estet. Et gouvrena
son royaumme nichement et simplement par
mauvais consseil, dont depuis il l’en mescey
moult laidement, car assés tost apriés ce
qu’il
fu courounnés, li
rois Robers de Breus, qui estoit
rois d’Escoce et qui tant avoit gueriiet au
roy
Edouwart le pere a celui dont je parle,
reconquist
touttes les villes et les castiaux en
Escoche qui
avoient estet concquis et la
bonne cité de Bervich et gasta et essilla grant partie dou royaumme
pb 1 v