The Online Froissart

Edition mode Settings Browse | Collate

pb 11 rle royaume, qu’il ne feust si hardy qui avecques la royne d’Angleterre se meist en voie pour lui aidier a remettre en Angleterre a main armee.

¶ Dont plusieurs chevaliers du dit royaume en furent moult courrouciéz. Et s’esmerveillierent entr’eulx pourquoy, et si soudainement, le roy avoit fait ceste deffence. Et en murmurerent les aucuns et distrent que or et argent y estoit efforciement acouru d’Angleterre.

Comment le roy de France fist dire a la royne d’Angleterre, sa suer, qu’elle widast hors de son royaume. X.

Encores vous diray se j’ay loisir de quoy ce messire Hue le Despensier s’avisa, quant il vit qu’il n’auroit garde du roy de France ne de ce costé, pour embelir et flourir sa mauvaistié et retraire la royne en Angleterre et remettre en son dangier et du roy son mary. Il fist le roy d’Angleterre escripre au Saint Pere en suppliant asséz affectueusement qu’il voulsit escripre et mander au roy Charles de France qu’il lui voulsist envoier sa femme, car il s’en voulouit acquitter a Dieu et au monde, et que ce n’estoit pas sa coulpe qu’elle estoit partie de lui, car il ne lui vouloit que toute amour et loyauté, telle que on doit tenir en mariage.

¶ Avecques ces lettres que le dit messire Hue fist escripre par le roy d’Angleterre aux papes et aux cardinaulx en lui escripvant ainsi comme vous avéz oy, et encores par plusieurs soubtines voies, que cy ne pevent mie estre toutes descriptes, il envoya grant or et grant argent a plusieurs grans cardinaulx et prelas, les plus secréz et plus prouchains du pape, et aussi messager saiges et advisiéz et bien ydoines et taillés de faire ce messaige. Et mena le pape tellement par ses dons et par ses fallaces, que ilz contournerent du tout la royne Ysabel d’Angleterre et condempnerent en son tort, et mistrent le roy d’Angleterre et son conseil en son droit. Et escripsit le pape, par le conseil d’aucuns cardinaulx qui estoient de l’accort du dit Despensier, au roy Charles de France que, sur paine d’escommeniement, il renvoiast sa suer, la royne Ysabel, en Angleterre devers le roy son mary.

¶ Ces lettres veues et apportees devers le roy de France par si especial messagier que par l’evesque de Saintes en Poitou, que le pape y envoioit en legacion, le roy fut durement esmeu sur sa suer, et dist qu’il ne la vouldroit plus soustenir en l’encontre de l’Eglise, et fist dire a sa suer, car ja de grant temps ne parloit il point a elle, qu’elle vuidast tout hastivement son royaume ou ~~Gap: illegible~~il la feroit vuidier a honte.

SHF 1A-8 sync Comment la royne d’Angleterre se parti de Paris et s’en ala en l’Empire. XI.

Quant la royne oÿ ces nouvelles, si fut plus desconfortee et esbaie que devant car pb 11 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.