The Online Froissart

Edition mode Settings Browse | Collate

pb 31 vHonnecourt ordonnéz pour bataille et en grosse route et espesse de gens d’armes durement il se mist entre les bailles et la porte de la ville en bon couvenant et fist la porte de la ville ouvrir toute arriere et fist bien chiere et maniere de defense. La vindrent messire Jehan de Hainau, mesire Henry de Flandres, le sire de Fauquemont, le sire de Bergues et les autres qui se mistrent tous a pié et approchierent ces bailles, qui estoient fortes durement, chascun son glaive en son poing et commencierent a lancier et a getter grans coups a ceulz de dedens et ceulz de Honnecourt a eulx defendre vassaument. La estoit damp l’abbé, qui mie n’espargnoit mais se tenoit tout devant en tresbon couvenant et recueilloit les horions moult vaillaument et lançoit a la fois aussi grans coups moult appartement. La ot faite mainte belle appertise d’armes et gettoient ceulx des garites contreval pierres et bancs et pos plains de chaux pour plus ensonnier les assaillans. La estoient les barons et les chevaliers devant les barrieres, qui y faisoient merveilles d’armes, et avint ainsi que mesire Henry de Flandres, qui se tenoit tout devant son glaive empoingnié, lançoit les horions grans et pesans. De quoy damp l’abbé, qui estoit fort et hardy, empoingna le glaive au dit monseigneur Henry et tout pavimant et en tirant vers lui il fist tant que parmy les fendures des barrieres, il vint jusques au bras du dit monseigneur Henry, qui ne vouloit mie son glaive laissier aler pour son honneur. Adont quant l’abbé tint le bras du chevalier, il le tira si fort a lui qu’il l’encousi entres bailles jusques aux espaules et le tint la a grant meschief et l’eust sans faulte sachié ens se les bailles fussent ouvertes asséz. Si vous dy que le dit mesire Henry ne fu mué le temps que l’abbé le tint a son aise car il estoit fort et dur et le tiroit sans espargnier. D’autre part les chevaliers tiroient contre lui pour rescourre monseigneur Henry et dura ceste luite et ce tirer moult longuement. Et tant que mesire Henry fu durement grevéz, touteffois de force il fu rescous mais sGap: damagedn glaive demoura par grant prouesce devers l’abbé, qui le garda depuis moult d’annees et encore est elle je croy en la salle de Honnecourt. Touteffois elle y estoit quant je escripsi ce livre et me fu moustree par un jour que je passay par la, et m’en fu recordee la verité et la maniere de l’assaut comment il fu fait et le gardoient encore les moines en grant parement.

SHF 1-81 sync

Ce jour ot a Honnecourt moult fier assault et dura jusques au vespre et en y ot pluseurs des assaillans mors et bleciés et par especial mesire Jehan de Haynau y perdy un chevalier de Hollande qui s’appelloit mesire Bertran et s’armoit d’or a une face copenee de gueules et a III fermaus d’asur ou chief de son escu. Quant les Haynuiers, Flamens, Englois et Alemans qui la estoient assaillans, virent la bonne voulenté de ceulz de dedens et qu’ilz n’y pouoient riens conquester mais estoient batus et navréz et moult fouléz, si se retrairent arriere sur le soir et emportoient a leurs logeis les bleciés. A l’endemain au matin se departy le roy englois du Mont Saint Martin et commanda sus la hart que nul ne feist mal a l’abbaie. Son commandement fu tenu et puis entrerent en Vermendois et s’en vindrent ce jour logier de haulte heure droit sus le Mont de Saint Quentin et la furent en bonne ordonnance de bataille et les pouoient bien veoir ceulz de Saint Quentin s’ilz vouloient mais ilz n’avoient nul talent d’issir hors de la ville. Si vindrent les courreurs d’Engleterre courir jusques aux barrieres de Saint Quentin et escarmuchier a ceulx qui la se tenoient. Le connestable de France et mesire Charles de Bloys firent leurs gens ordonner devant les barrieres et mettre en bon couvenant. Et quant les Englois qui la estoient, le conte de Sufforch, le conte de Norhantonne, mesire Regnaut de Gobehen, mesire Gautier de Mauny et pluseurs autres en virent la maniere et que riens ilz ne pouoient pb 32 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.