Title: | Latin Poem, De Colloquio Thorunensi, Anon |
---|---|
Dating: | undated |
Ref: | 50/29A-B: 29B BLANK |
[50/29A]
De Colloquio Thorunensi
Colloquium haud aliud cæptum est majore paratu
Actum Thorunio quam quod in urbe fuit.
Vix aliud caruit tamen et successibus æquè
Dum libuit primum nec[altered] tetigisse scopum,
Qui fuit, ut doctis uno indoctisque pateret
Intuitu, quâ sit dissita Relligio.
Hunc tetigisse fuit mens protestantibus una:
Papicolis contra nil mage displicuit.
Quod controversum est, simul unâ promere summâ
Non licuit, quàmvis, Rex ita præciperet.
Quod sat erat claram declarare usque paravit,
In claro errores qui cavet esse suos
Depurare labor fuit impensissimus illa
Quæ nequeat ullo reddere pura nitro
Ier.2.