The Hartlib Papers

Il est possible par la grace de dieu de dresser vne Academie a la francoise, ou les Ieusnes gentilshommes Anglois puissent comme sans coust estre Instruits a la langue francoise Etc. par bon ordre, et gens d'education et conversation Etc.

Car comme les francois ont quitté les Academies d'Italie, a cause des vices, Ainsy Il est expedient aux anglois de quitter les Academies francoises Etc.

Et les Ieusnes gentilshommes estans formez et confermez en bonne education Etc. pourront puis aprez aller veoir les Alemagnes france et peult estre Italie Etc. pour conference de conversation Etc.

L Academie a la francoise est a dresser dans Londres capitale pour raisons Etc.

Est expedient, qu'il y ayt vn gouuerneur, et lieutenant d'Academie, premieres personnes.

Aprez vn docteur Eclesiastic homme d'education et conversation Etc.

Aprez vn docteur, pour phisique et logique <en francois> par abbregé, abbregé Chrestian Etc. comme pour gentilshommes Aprez vn docteur pour ethique et oeconomie par abbrege abbrege chrestien tant necessaire Etc. Aprez vn precepteur pour fortifications et pourtraiture Etc.

[left margin: pour par ce moyen reformer nos sciences humaines que nous tenons encor a la payenne]

Aprez des precepteurs pour apprendre a lire et escrire et plein chant Etc. Etc. Etc.

Est expedient, que les Ieusnes Gentilshommes entrent en l'Academie d'ez l'aage de huict ans, et sachent prier dieu Etc. Ayent gouuerneurs particuliers. qu'ils soyent nourris sans molesse, ny delicatesses, ny vanité, pour pouuoir parvenir forts et robustes et honestes Etc. Ainsy d'ez leur Ieunesse Etc.

A fin de n'estre amolis et deliAfin de n'estre amolis et delicatez par leurs meres, et ennorgueilliz par les seruiteurs en leurs maisons.

[left margin: Nota] C'est l'honneur et le profit des gentilshommes, quy quelques pauures qu'ils puissent estre, seront en honneur, et aussy en commodité suffisante pour le seruice public, et de leurs familles a contentement.

[left margin, with next 2 paragraphs bracketed: Nota] Et dieu puis aprez donnera vn moyen aux riches de bien vser de leurs richesses sans vanité ny orgueil, et aux moins commodes d'estre contents, et se rendre recommandables au public par leur vertu, et enfin mesmes devenir assez riches par leur bon mesnage, par moyens legitimes, en la benediction de dieu, et sans auarice.

Les gentilshommes fort riches estiment a present comme a honte de bien mesnager, tellement que les moins commodes ont le large (et a propos)

Et est aussy possible d'auoir en ladite Academie esquiers pour dresser a monter a cheual Etc. suffisamment pour la guerre Etc.

Et Maistres de lexercice des armes Etc.

Aussy comme sans coust aux gentilshommes Etc.

                               Hughes lamy,

                               Pierre le pruuost