rent ens et sans faire friente et nagierent
contreval la riviere et prindrent terre
au dessoubz des logeys. Messire Jehan de
Harleston et ses gens estoient logiéz asséz
pres de la en un grant hostel, la vindrent
sus le point du jour les Françoys qui l’en
vironnerent et commencierent a assail
lir. Messire Jehan de Harleston fut tan
tost appareilléz et arméz et aussi furent
toutes ses gens, si se mistrent a deffence
moult vaillamment et archiers a traire
contre les arbalestriers. La ot escarmous
che forte et dure et des navrés et bleciéz,
et vous dy bien que l’ost eust esté prins
et conquis, rnais messire Robert Canol
le qui estoit logiéz asséz pres de la s’ar
ma et fist armer toutes ses gens, et
desvelopper sa banniere, et se traist moult
quoyement celle part. D’autre part mes
sire Guillaume de Widesore qui en fut
signiffiéz et advisiéz et ses gens y vindrent
tout le cours et tousjours venoient An
glois et sourdoient de tous costéz. Adonc
se retrayrent les Françoys sus le rivaige
et vers leurs bateaulx quant ilz virent
que faire le couvenoit ou recepvoir grant
dommaige. La ot sus le rivaige au retour
dedens les bateaulx grant escarmousche
et moult vaillamment se porterent les
cappitaines et y firent grans appertises
d’armes et furent aucques des derrains
rentréz. Touteffoiz il en y ot au ren
trer des Françoys pris mors et noyéz et
retournerent a Nantes. Encores tindrent
ceste emprinse tous ceulx qui en ouyrent
parler de une part et d’autre a grant har
dement et a grant vaillance. SHF 2-176 sync Des empes
chemens que le duc de Bretaigne avoit
lors, pourquoy il ne pouoit venir au siege
de Nantes, et des escarmousches qui la
se faysoient.