Sachiéz que quant messire
Loÿs d’Espagne fut monté
au port de Garlande sur
mer, il et sa compaignie
alerent et tant nagerent par mer
qu’ilz arriverent en la
Bretaigne bre
tonnant, au port Camperilli
et
asséz pres de
Campercorentin et
asséz pres de Saint
Mahieu de Fine
Porte. Puis yssirent des naves et
alerent rober et ardoir tout
le païs,
et trouverent si grant avoir que
merveilles seroit a raconter. Si l’ap
portoient tous en leurs naves, et
puis raloient rober et ne trouverent
nullui qui leur
deffendeist. Quant
messire Gaultier de Manny vit et
messire Olivier de Cliçon sceurent
les nouvelles de monseigneur
Loÿs
d’Espaigne et de ses compaignons,
ilz eurent conseil qu’ilz iroient celle
part. Puis le descouvrirent a messire
Yvon de
Taniguidi, chastellain de Guingamp, au sire de
Landreman,
a messire Guillaume de Quadudal,
aux deux freres de Pennefort et a
tous les chevaliers qui estoient dedens
Hambonc, qui tous s’i accorderent de
bonne voulenté. Lors se mistrent
tous
en leurs vaisseaulx et pristrent III
M archiers avecques
eulx, et ne cesserent
de nagier jusques a tant qu’ilz vindrent
droit au port ou les
naves de messire
Loÿs d’Espaigne estoient ancrees. Si
entrerent dedens et
tuerent tous celx
qui les naves gardoient. Et trouve
rent dedens si grant avoir qu’ilz
s’en
esmerveillerent durement, que les
Espaignolz avoient dedens
apporté.
Si se partirent en trois batailles par
grant sens pour plus tost
trouver
leurs ennemis, et laisserent dedens
leurs nefs III
C
archiers pour garder
leur navire et l’avoir qu’ilz avoient
gaingnie. Puis se mistrent a
la voie
par pluseurs chemins. Les nouvelles
vindrent a messire Loÿs
d’Espaigne que
les
Anglois estoient arrivéz efforceement,
qui
le queroient. Si rassembla toutes
ses gens et se mist au retour pardevers
ses naves,
pour entrer dedens. Ainsi
qu’ilz s’en revenoient, tous ceulx du païs
les
pousuivoient, hommes et femmes
qui avoient perdu leur avoir et se
hastoit tant
qu’il pouoit. Si encontra
l’une des trois batailles, et vit bien
que
combatre le couvenoit. Si se mist
en bon arroy et en bon convenant,
car il estoit
hardy chevalier et conforté du
rement, et fist la aucuns chevaliers nou
veaulx,
especialment son nepveu que
on appelloit Aufeur. Si se ferirent en
ceste premiere bataille si roidement
qu’ilz en tuerent et ruerent mains par
terre. Et eust esté tantost desconfite
sans remede se n’eussent esté les autres
deux batailles qui y survindrent par
le cry et par le hus qu’ilz avoient ouy
pb 91 v