païs, en la
bonne
ville de Valenciennes.
¶ Or nous deporterons de parler de
la matiere des deux
roys tant que les
treves dureront, qui furent asséz bien
tenues, excepté les
marches loingtaines.
Et entrerons en la grant matiere et l’i
stoire de
Bretaigne, qui grandement
enlumine ce livre, pour les beaux faiz
d’armes
et grandes aventures qui y sont
advenues et ramenteues, si comme vous
pourréz
ensuivant ouyr et entendre.
Et pour ce que vous sachiéz veritable
ment le
commencement et la racine
de ceste guerre cy, et dont elle s’esmut,
je vous diray et
escheneray de point en
point, si en diréz vostre entente et quelle
cause et droit messire Charles de Blois
ot ou grant heritage de Bretaigne. Et
d’autre part le conte de Montfort qui
en fist fait contre lui, dont tant de ran
contres, de batailles et de grans fais
d’armes sont advenues en la
duchié
de
Bretaigne et es marches voisines.
SHF 1-138 sync
Comment le duc de Bretaigne mourut sans hoir masle. Et des grans guerres qui a cause de ce advindrent.
Assavoir est que, quant les
trieves furent accordees et
seelees devant la
cité de
Tournay, tous les seigneurs
et toutes manieres de
gens se deslogerent
d’un costé et d’autre et s’en rala chascun en
sa contree.
¶ Le duc de Bretaigne, qui
a ost avoit esté avecques le roy de
France
devant
Tournay plus grandement que
nul des autres
princes, s’en retourna
en son païs en entente de retourner,
mais il ne pot,
car une maladie sur
le chemin le pris dont il le couvint
mourir, dont ce fut grant
dommage.
Car grandes guerres et destructions de
villes et de chasteaulx en
advindrent
puis entre les nobles et non nobles
de son païs.
¶ Et pour mieulx chascun
informer et apprendre pourquoy tous
ces maulx
advindrent, je en compteray
aucune partie ainsi que je sçay et
que je en ay enquis,
mesmement ou
païs ou j’ay esté et conversé, et a ceulx
aussi qui ont esté
ou je n’ay mie esté
et qui ont veü ce que je n’ay mie veü,
ne peü veoir.
¶ Ce duc de Bretaigne,
quant il trespassa de ce siecle, n’avoit nulz enfans
pb 73 r