pb 10 vmist le
roi en bonne garde,
et en fu tousjours si au desus que se on li euist
demandé il l’euist
rendu mais on le mist en oubli, et ne vesqui puis le
rois que
il fu venus a
Bercler trop
longement. Et conment euist il vesqu, par la
maniere que je vous dirai ? Car je,
Jehans Frois
sars, acteres de ceste histore, fui ens ou
chastiel de Bercler, l’an de grasce Nostre Signeur
mille CCC LXVI, ou mois de septembre en la compagnie de
messire Edouart le Espensier,
liquels fu fils dou
fil de ce mesire Hue le
Espensier dont je parlerai assés tos, et fumes
dedens le
chastiel que ens es esbatemens la environ trois jours, si demandai de che
roi pour justefiier mon histore que il estoit devenus. Uns anciiens
esquiers me dist
que dedens le propre anee, que il fu la amenés il fu mors car on li
acourça sa vie.
SHF 1R-16 sync Ensi fina chils
rois d’Engleterre et ne parlerons plus de li mais de la
roine et de
son fil.
SHF 1R-17 sync
Qant la
roine d’Engleterre fu au desus de ses besongnes, elle donna une
grant partie
de ses gens d’armes congiet, et en retint auquns et tousjours estoient li
Hain
nuier logiet au plus priés de li et li plus especial de sa court, et le
mieuls delivret. Or
fu avisé et ordonné que la
roine se departiroit de
la et se retrairoit viers
Londres.
Messires Thomas Wage,
au departement de la
roine, avoit ordonné un tabar armoi
iet des armes le
signeur Espensier, et ce tabar semet de cloquetes. On le vesti et
afu
bla le dit
messire Hue, et fu montés sus un magre cheval et chevauça en la
compa
gnie et en sievant la
roine ensi, et par toutes les villes ou il passoient par
devant le
dit
messire Hue on sonnoit grant fuisson de tronpes et de tronpetes et
de taburs
et tout par maniere et ordenance de derision avoecques tout ce en toutes les
villes ou il venoient on lissoit publiquement par un rolet les fais dou dit
messire
Hue en la presense de li et tant ceminerent que il vinrent en
une
bonne chité
laquelle on appelle Harfort et la s’aresterent et rafresqirent et i tinrent
la
roine et lorz
gens la solempnité de la feste de la Toussains.
SHF 1R-18 sync Qant la feste fu passee
messires Hues li Espen
siers, qui point n’estoit amés et on li monstra bien, fu amenés pardevant les barons
et chevaliers d’
Engleterre et la estoit la
roine d’Engleterre et
son fils
et
messires Jehans
de Hainnau.
La fu recordé et leu au lonch et
tout hault, li mesfait de
messire Hue le Espensier, ne a nuls des articles
il n’oposa ne ne dist riens a l’encontre. Et la endroit
il fu jugiés a morir par plainne sieute des barons et chevaliers, et de tel justice et punition
que je vous dirai. Premierement il fu trainnés
sus un bahut a tronpes et a trompe
tes par toute la
chité de Harfort de rue en rue, et puis fu amenés en une grande
place
la ou tous li
peuples estoit assamblés. La endroit fu il loiiés hault sus une esqielle siques
casquns petis et grans le pooient veoir, et avoit on fait en la ditte place un grant
feu. Qant il fu ensi loiiés tout premiers on li copa le vit et les coulles pour tant que
il estoit et avoit esté herites et sodomites, ensi que renonmee puble couroit par toute
Engleterre et dou
roi meismes, et pour ce vilain et ort pechiet li
rois
avoit esca
ciet la
roine sa fenme ensus de lui. Qant ce desus nonmé furent copet on le jetta ou feu.
Apriés on li ouvri le ventre, et li furent osté coer, coraille et tout ce que ou ventre
avoit et jetté ou feu, et li fu ce fait pour tant que il avoit esté faus et traittes et que
par son traitte et faus consel et enort li
rois avoit honni
son roiaulme, et mis a
mort les vaillans honmes dont toute
Engleterre estoit afoiblie. Apriés qant cela fu fait
on le desloia et li fu la teste copee et ses corps mis en quatre quartiers, et fu la
teste envoiie a
Londres et mise sus une glave au
pont de Londres et les quartiers
li uns en demora a
Harfort, li aultres
fu envoiiés a
Iorch, li tiers a
Cantorbie et
li quars a
Sasleberi, ensi furent il espars ens es quatre parties d’
Engleterre.
pb 11 r