pb 4 v
les, ja fuissent ils de plus lontain
degré, mais li
contes de Valois lors peres avoit esté frerez
au
biau roi Phelippe roi de France. Ensi sçavoit
messires Hues li
Espensiers aler au devant
de ses besongnes et bien sçavoit que il faisoit mal mais
tant estoit endurcis en ses maliscez
que il n’en savoit ne voloit issir. Si en rechut il tres
crueuse punition en la fin ensi que vous
orés assés proçainnement recorder en
l’istore.
Grandes murmurations et escandles, conmenchierent, a monter, en
Engleterre a l’en
contre dou
roi et de ce
Hue le Espensier, tant des
nobles conme des
prelas et
marce
ans et
disoient ensi l’un a l’autre qant il se trouvoient : "
Nostres rois se mesuse trop
malle
ment par l’enort et consel de ce
Hue le Espensier. A quoi esçou
bon que il ont mis hors d’
En
gleterre la
roine, qui est serour
dou
roi de France et une vaillans dame sage, humle
et devote, et
son jone
fil nostre hiretier, et aussi le
conte de Qent un vaillant honme et
de bonne
consience ? Et ne s’ose tenir en ce
païs pour tant que il a parlé a
son frere le
roi et
a
messire Hue le Espensier et leur a blamet leurs folies. Tels coses
ne font pas a sousfrir ne a
consentir, et poroient lors oevres porter trop grant prejudisce a
ce
roiaulme, et se
roit bon que on i pourveist."
Li
Londriien, qui ont tousjours esté, sont et seront tant que
il seront li plus
poissant de toute
Engleterre, comsidererent ces affaires : que les coses
aloient en
Engleterre trop mallement, et que justice n’i avoit point de lieu
ne de audien
se, ne li marceant n’osoient aler ne ceminer, ne ne pooient fors en grant
peril et aventu
re de perdre lors corps et lors biens parmi le
roiaulme d’Engleterre. Si en parlerent en
tre euls et dissent que il i convenoit obviier et que de la vie et
gouvrenance dou
roi et de
son consel c’estoit toute pure perte,
et sentirent que moult de nobles d’
Engleterre s’en
clineroient assés tos a ce que on i pourveist, et couroit secree renonmee que li
rois
par
ses mesusances et folies n’estoit point dignes de tenir terre, et que a tort et a pechiet
il avoit eslongiet ensus de li
sa femme la roine d’Engleterre et
son fil
et
son frere le conte
de Qent et se tenoit en la marce de
Bristo
en wiseusses et en deduis et ne faisoit compte
conment li
roiaulmes fust menés
ne gouvrenés mais que il euist ses plaisances et or et
argent assés et tout donnoit a ce
Hue le Espensier et a ses complisces. Si regarderent
que on i
pourveroit, et orent un certain consel secret ensamble, li auqun noble d’
En
gleterre et prelat qui ne pooient plus sousfrir ce que il veoient, et li
Londriien que
il remanderoient la
roine Issabiel lor dame et
son
fil et le
conte de Qent et fesissent
tant que il euissent jusques a trois cens armeures de fier mais que il fuissent ari
vé en
Engleterre il trouveroient confort et aide assés des
nobles d’Engleterre et
des
Londriiens, et certefioient les lettres que tout ce que il venroit en
Engleterre de gens d’armes il seroient tout paiiet et en faisoient li
Londriien fait. En ce consel
furent les lettres escriptes et seelees et chil esleu
qui feroient le message et conve
noit bien que tout ce fust tenu en secré, il le fu, et
vinrent chil qui envoiiet i furent a
Paris et trouverent la
roine
et
son fil et le
conte de Qent. Si leur baillierent a part
les lettres; il
les lissierent. Si en furent tout resjoi qant il veirent que la plus sainne
partie dou
païs et li
Londriien les mandoient, mais le plus fort pour euls estoit
a trouver gens d’armes, et ne s’osa de ces lettres ne de ces mandemens la
roine
d’Engleterre descouvrir, a
son frere le roi de France ne a baron qui
fust en
France et
ce li consellierent li
contes de Qent et
messires Rogiers de Mortemer, car
li dis
contez veoit bien que en l’ostel dou
roi et en sa cambre
messires
Hues li Espensiers avoit ja ac
quis tant d’amis par ses dons et presens, les quels il
avoit donnés et la envoiiés et en
voioit encores tous les jours que toute dissimulation
estoit en place et portoient
pb 5 r