pb 1 r I SHF 1R-0 sync
Space: 1 lettersAfin que les grans mervelles et li biau fait d’armes liquel sont avenu par
les gerres de France et d’Engleterre, et des roiaulmes voisins conjoins
et ahers avoecques euls dont li roi sont cause, soient notablement regist
ré, et ou temps present, et a venir, veü et congneu je Jehans Froissarz,
tresoriers et chanonnes de Chimay, me voel ensonniier de metre en pro
se, et ordonner, selonch la vraie information que je ay eu des vaillans
honmes chevaliers et esquiers qui les dittes armes, ont aidiet a acroistre, et ausi
par auquns rois d’armes nonmés hiraus et lors marescaus qui par droit sont
et doient estre juste inquisiteur et raporteur de tels besongnes. Et devés
savoir que je ai ce livre cronisiet et historiiet, ditté et ordonné apriés et sus la relation
faite des desus dis, a mon loial pooir, sans faire fait ne porter partie, ne coulourer non plus
l’un que l’autre. Et seront dedens ce livre li bien fait ramenteu de ceuls qui l’ont deservi,
de quel païs et nation que il soient, car esploit d’armes sont si chierement comparet et ac
chatet ce sevent chil qui i travellent, que nullement on n’en doit mentir. Or ai je proposé
ensi que je voel parler et tretier de grans mervelles : voirement se poront et deveront
ceuls et celles qui che livre liront, oront et veront esmervillier des grandes aventurez
que il i trouveront, car je suppose que depuis la creation dou monde, et que premie
rement on se conmença a armer, on ne trouveroit en nulle histore tant de mervellez
ne de grans fais d’armes conme il sont avenu ens ou temps et termes des guerres
desus dittes tant par terre que par mer, et des quelles je vous ferai recort et men
tion. Mais avant que j’en trette ne conmence a parler, je voel un petit tenir et demener
le pourpos et estat de proece pour exempliier les bons et ceuls qui desirent a estre de
son aliance. Premierement tout honme qui demande a estre preus doit comsiderer
l’estat et regarder, a la vie des anciiens et de ceuls qui ont vesqu conment ne par quel
incidense il i sont venu des quels espoir il portent les armes et tiennent les hiretagez.
Le nom de preu renlumine les coers precheus et resplendist en ces salles et en ces palaiz :
on l’ensengne au doi on recorde son bien fait, on li donne glore en ce monde. Proeche ne
voelt point sejourner a l’ostel mais errer et travillier et querre partout et ens es païs
prochains et lontains les armes et les aventures. Or sont auqun baceler qui s’escusent
et dient : "Je travilleroie volentiers et querroie les armes mais que je euisse bien de qoi."
Au voir dire la cavance ayde assés tant que pour aler et venir par le monde, mais pro
ece ne voelt point que nuls povres bacelers de bonne volenté s’escuse de non querir lez
armes par defaute de mise, car se il le vault il trouvera qui l’aidera se il le desert qui
l’avancera et paiera selonch son bien fait car tousjours viennnent li bien a meureté et
congnissance, et on l’a veü avenir en trop de lieus que moult de povres bacelers se sont
fait et honnouré par lor bien fait et travel. Et encores en celle histore presente
se vous le lissiés ou oés lire de conmencement jusques en conclusion vous i verés et
trouverés les noms de pluisseurs vaillans honmes qui doient bien estre escript ens
ou nombre des preus. Je ne les ai que faire de nonmer presentement, car il se nonme
ront ensi que il ont eu leurs cours et lors saisons, tant d’un roiaulme conme de l’au
tre. Or se debrise et disfere li mondes en pluisseurs manieres. Premierement li vaillant
honme travellent lors corps en armes pour conquerir la glore et renonmee de che
monde, li peuples parole, recorde, et devise de lors estas, auquns clers escripsent pb 1 v