Quant messire Helyon de Lignach qui se tenoit en la
bonne ville de La
Rocelle, car il en estoit seneschal, entendy ces nouvelles et vey les lettres et le
sceele du
duc de Berry que il le mandoit si hasteement, si se ordonna sur ce et pour
venir et aler en France.
¶ A son departement, il institua en La Rocelle deux
chevaliers vaillans hommes a estre cappitaines et souverains, depar luy, en toutte la marche et seneschaudie de Rocellois.
¶ Les deux chevaliers estoient du bon
paÿs de Biausse, et
appelloit on l’ung messire Pierre de Joy, et l’autre messire Pierre Taillepiet, et puis, ceste ordonnance faicte, messire Helyon se mist au chemin pour venir en France et tout par le plus court chemin, comme il pouoit, car il ne savoit que
le
duc de Berry luy vouloit, qui si hastivement le mandoit.
¶ Or vous parleray ung petit du duc de Lancastre qui se tenoit a
Bayonne et lequel avoit grande ymaginacion sur ces besoingnes; et de quoy
son cousin le
duc de Berry luy avoit escript premierement il ne vuelt pas qu’elles fussent chelees, mais
ampliees partout, a la fin que les ennemis pensassent sus et que ce traittié fuissent sceu en
l’ostel du roy Jehan de Castille. Et escripsi le duc de Lancastre tout l’estat,
dedans ses lettres le coppie de lettres que le
duc de Ber ry luy avoit
envoyéz et escriptes, et monstroit par ses escrips aux ceulx auxquelx il escripsoit, que il avoit
grant affection a ceste matiere et traittiéz du mariage de sa fille et du
duc de Berry qui se devoit entaminer. Et escripsi tout premierement au conte de Fois, pour tant qu’il savoit bien que en son hostel retournoient touttes manieres de
chevaliers et escuiers estraingiers alans en Espaingne, tant
devers le roy de Navarre, qui avoit le suer de ce roy de Castille dont il avoit ung mout d’enfans, a celle fin aussi que les nouvelles fuissent affremees et certeffiéz en l’ostel d’Espaingne mieulx et plus creables par luy que par parolles volans. Encoires en escripsi
il aussy devers le roy de Portingal, mais il ne en escripsi point en
Angleterre devers le roy, ne devers ses freres, car bien savoit que, se les
Anglois savoient, ilz ne l’en sauroient nul bon gré, ainsi que ilz ne firent, si
comme je vous diray quant je seray venus jusques a la a traittier de la matiere. Mais nous
cesserons ycy ung petit a parler de ceste matiere et parlerons de celle du duc de
Bretaingne, car l’istoire le vuelt, qui le demande et desire.
SHF 3-265 sync
Quant le
duc de Berry fut venus en France devers le roy et le
duc de Bourgoingne son frere et leurs consaulx, l’evesque de Lengres, l’evesque de Laon, le seigneur de
Couchypb 278 r