me vueillent bien tenir pour beste,
quant ilz me requierent de mon dommaige, et je leur bailleroye ma cousine; je les renforceroye
et je me affoiblieroye. Ja tiennent ilz de force et non de droit le conté de Comingnes
qui est heritier depar sa mere et sa tante a ma cousine de Boulomgne. Je vuel bien qu’ilz sachent que je ne le marieray ja en lieu, fors si fort et si puissant
qu’ilz seront tenus en guerre pour son hiretaige de Comingnes, car ilz n’ont a
present a respondre fors a ung homme mort, le conte de Bouloingne, son pere."
Dont il estoit avenu que, quant le conte d’Armignach et messire Bernard, son
frere, veirent qu’ilz n’y pooient venir, vivant leur ante madame de Berry, ilz en
avoient parlé au
duc de Berry que ce seroit ung bel mariage pour
Jehan de
Berry, son filz, dont, le duc en avoit envoiet souffissans
messaiges
en
Berne devers le conte de Foiz, en pryant, et tous maltalens mis
jus et pardonnéz que du temps passé avoient eu ensamble, il peust avoir la damoiselle de
Bouloingne pour Jehan, son filz, en cause de mariaige, et que le conte de
Bouloingne, pere a la damoiselle, le vouloit, l’accordoit et s’i assentoit.
¶ Le conte de Foiz avoit fait bonne chiere aux ambassadeurs, mais il s’estoit excuséz
et disoit que elle estoit trop jonne, et aussy quant sa cousine de Comingnes, contesse de
Bouloingne, luy bailla et delivra
et mist en garde et en charge, luy avoit fait
jurer que sans son sceu il ne le marieroit ja en lieu quel qu’il fust. Si vouloit tenir son serement
et de l’enfraindre nul ne le devroit requerre. Et ceste excusance mettoit avant le conte de
Foyz, car il savoit bien que sa cousine de Comingnes qui se tenoit ens ou
royaulme d’Arragon deléz le conte d’Urgel, son frere, a nulz de
ceulx
d’Armingnach, ne qui venissent du sang ne de l’estraction d’
Armignach,
elle point ne se accorderoit. De quoy les ambassadeurs du
duc de Berry retournerent
adont sans riens faire; et, en l’absence de eulx, le conte de Foiz avoit dit, si comme
me dist
messire Espaing de Lyon: "Le
duc de Berry et ses consaulx me
vouloient bien tenir pour beste et ignorant, quant ilz vueillent que je renforce mes ennemis. Jehan de Berry est cousin germain a
mes adversaires d’Armignach.
Ce marchié ne feroye je jamais. Je le marieroye avant en
Angleterre, et ja
m’en a on parlé a messire Henry de Lancastre, conte d’Erby et fil
au duc de
Lancastre. Se je ne cuidoye trop fort courrouchier le roy de France, nulz
aultréz n’y venroit, fors cilz. Et encoires ne say je quel chose j’en feray, car avant le marieroi
ge la a ma plaisance, que nulz de
ceulx d’Armignach l’eussent a ma desplaisance; et
a moy en est du
pb 333 v