des
Françoiz
pour la cause qu’il leur avoit donné tant de paine.
SHF 3-295 sync
De touttes ces devises et ordonnances et convenances et asseurances de paix, lettres
furent levees et escriptes et sceelees, et en apréz, touttes ces choses faictes et mises en seur
estat, ces seigneurs prindrent congié l’un a l’autre; mais, avant le departement, le duc de
Guerlles demanda ung don au roy de France et le roy lui accorda et
donna. Il demanda que tous les prisonniers, qui pris avoient esté des
François
pour ceste guerre, il les puist ravoir quittes et delivrés. Il les eut, et luy furent rendu en la
fourme et maniere qu’il les avoit demandé.
¶ Aussi le roy luy demanda que tous les prisonniers que ses gens tenoient, ne avoient
pris sus ce voyaige, il les
voulsist rendre et restituer.
¶ Le duc de Guerlles s’excusa et dist: "Monseigneur, ce ne se puet
faire. Je suy ung povres homs; et, quant je senti vostre venue, je me fortefiay au mieulx et au
plus fort que je oncques pueth, de chevaliers de oultre le Rin et d’aultres, et
leur euch en convenant et seellay que tout le conquest qu’ilz feroient en celle guerre luy
demourroit. Si ne leur puis retollir ce que je leur ay donné, ne nulle puissance, ne voulenté
n’en ay. Et, se de rigueur y vouloie aler, ilz me feroient guerre, et il vous
plaise que
cecy se passe, car je ne puis remedier."
¶ Le roy vei bien et entendy qu’il n’en auroit aultre chose. Si en souffri a tant, et
ymagina le temps que c’est trop grant chose et trop renommee de luy et de son royaulme, et que moult peut faire de povres gens riches. Si se teut et passa oultre, et ne releva
oncques depuis la parolle.
¶ Au departement et au congiet prendre, ilz monstrerent par samblant qu’ilz se contentoient
asséz l’ung de l’autre.
¶ Adont fu ordonné du deslogier et du retraire, et chascun retourner ou paÿs dont il estoit
yssus et partis; et me fut dit que le roy feroit le jours de la Toussains
en la
cité de Rains et la tenroit sa feste.
¶ Dont se deslogierent toutes gens et mistrent au retour.
¶ Or vous diray ung petit de l’armee de mer d’
Angleterre.
SHF 3-296 sync
En ce temps que le roy de France estoit en
Guerles, et en
devant aussy et depuis, se tenoit sus mer l’armee du roy d’Angleterre, de laquelle le conte d’Arondel en estoit souverain et
cappittaine, et waucroient et
aloient une foiz amont, et l’autre aval, ainsi que le vent les menoit, et toudis que sus le point
pour trouver quelque aventure.
¶ Or devéz vous savoir, se vous ne le savéz, que par usaige et coustume toudis entre le
Saint Remy
pb 316 r