caudement sus nostre desconfiture, avec ce qu’il avoit des gens, il nous
euist recouvré. " Et tant furent ces parolles demenees depuis en
Angleterre, que il en ot blasme et reprinse des barons de
Northombrelande qui
la rechurent grant dommaige, et luy fut bien dit et acertes. Mais il s’eschauffa en disant: "Certainement, quant je me party du
Noefchastel sur Thin, je ne savoie nul
convenant des amis ne des ennemis, ne savoir je ne pouoye, car je estoie venus au Noefchastel sus le tart. Et toutesfois, pour estre a la bataille, je me party et fis vuidier
tous ceulx qui estoient avec moy, et fis mon plain pouoir de venir jusques au lieu ou les
Escochois estoient; mais nous gens, par les fuyans qui en retournoient,
s’esbahirent tellement que, quant je et messire Jehan de Says et aulcuns chavaliers
qui la estoient vouliesmes aler avant et venir a la reschousse, nous ne trouvasmes point deléz
nous la tierce partye de nos gens: et par especial,
ceulx de piet
disoient qu’ilz estoient si afoibléz et si foulléz qu’ilz ne vouloient aler plus avant. Et ainsi,
quant je en vey le convenant, je euchs conseil que de moy retraire." Les aulcuns tenoient
la raison et l’excusance a bonne, et les aultres non.
¶ Ainsi vont
les choses. Ceulx qui ont eu dommaige se plaindent, et ceulx qui ont
pris pourfit a quoy que ce soit esjouissent.
¶ Les
Escoçois disoient ainsi: "
La grace de Dieu qui nous est belle, nostre besoingne se porta grandement
bien, mais que le jonne conte de Douglas, nostre cappittaine, nous fust demouréz en
vie". Et les aultres disoient: "On ne peult pas avoir les belles victoires sans grandes
coustaiges. Espoir, s’il fust demouré en vie, la chose ne fust pas tournee si comme elle est; elle
fust alee par ung aultre party." Et touttesfoiz les
Eschois plaindoient
moult la mort du gentil conte; et au voir dire, elle faisoit moult a plaindre, car leur paÿs en estoit moult affoiblis.
¶ Quant ilz furent, ainsi que tout, retourné de la chache, messire David et messire Jehan de Lindesee demanda son frere messire Jaques de Lindesee, mais
nul n’en savoit a dire des nouvelles, dont ilz estoient tous esbahis et esmerveilliéz, et se
doubterent qu’il ne fust ou mort ou pris.
¶ Or vous diray que il avint au dit chevalier d’Escoche.
SHF 3B-290 sync
Vous savéz, comment yci dessus est contenu, que messire Mahieu Rademen,
cappittaine de Bervich, estoit montéz a cheval quand il vey la desconfiture, car luy tout
seul ne le
pooit pas recouvrer. A son departement, messire Jaques de
Lindesee estoit asséz
pb 329 r