choçoiz que les
Anglois de leur premiere venue s’enbattierent sur leurs varletz, car quoyqu’ilz ne leur durassent que
ung petit, si furent ces
Escochois tous pourveü et avisé de ce fait, et sentoient
bien que les
Anglois les venoient resveillier.
¶ Adont envoierent les seigneurs une quantité de leurs gros varlets et de leurs gens de piet ou
l’escharmuche estoit pour eulx plus ensonnier, et entr’eus ilz s’ordonnerent, armerent et
appareillierent et mistrent ensamble, chascun sire et homme d’armes dessoubz sa baniere et
son pennon de leurs cappitainnes
les
contes, ainsi qu’ilz devoient aler et respondre, car, des troix contes
qui la estoient, chascun avoit sa
charge. En faisant ce, la nuit approchoit fort, mais
il faisoit asséz cler, car la lune luisoit, et si estoit ou moys d’aoust, et faisoit bel
et cler et estoit l’air quoys, pur et net.
En celle ordonnance que je vous dy se mistrent les
Escoçois, et,
quant ilz se furent tous requeilliéz et mis ensamble et en une brousse, sans sonner mot, il se
departirent de leur logeis et ne prindrent point le chemin en alant tout droit vers eulx en devant
pour venir ens ou visaige des
Anglois, mais costierent les mareschages et une
montaingne qu la estoit.
Et trop grant avantaige leur fist ce, au voir dire, que tout le
jou ilz avoient avisé le lieu ou ilz estoient logiet, et avoient les plus uséz d’armes entre eulx
devisé et dit ainsi: "Se les
Anglois nous venoient resveillier sus nos
logiéz, nous ferons par ce parti, et par tel et par tel." Et ce les sauva, car c’est trop grant
chose de gens d’armes que on queurt sus de nuit en leur logeiz, et de jour ilz ont avisé le lieu
ou ilz sont logiet et dit et devisé entre eulx "Par tel party les poons nous perdre et
gaaingnier."
¶ Quant les
Anglois furent venus sus ses varlets, de venue les premieres ilz avoient tantost rué jus; mais en alant dedens les logeis, tousjours
trouvoient ilz nouvelles gens qui escharmuchoient a eulx et les ensonnioient.
¶ Adont vindrent
Escoçoiz tout autour, si comme je voy ay ja dit, et a ung
fais ilz s’enbattirent sus eulx, la ou ilz ne s’en donnoient garde, en escriant tous a une vois leur
cry, quant ilz furent deléz
eulx.
¶ Les
Anglois furent tout esmerveilliet de cest affaire, et se resortirent en
prendant pas et ferme terre et en escriant: Persy! et les
autres: Douglas!. La commencha la bataille felle et crueuse,
et le poussis des lances durs et estrangnes, et en y ot de ce pre
pb 322 v