pb 321 r
messire Henry avoit dittes, se il ne les poursievoit oultre; car il avoit dit au conte de Douglas que point ne porteroit son pennon hors d’Angleterre, et tout ce avoit il au soir remonstré aux chevaliers et escuiers de Northombrelant qui aveucques luy estoient logiéz en la ville de Neufchastel. ¶ Or cuidoient les aulcuns que le conte de Douglas et ceulx qui a leurs barrieres avoient esté, ne fust que l’avantgarde des Escotz qui la fussent venu escharmuchier, et que leur grant host fust demouré deriere. Par quoy les chevaliers de Northombrelande, qui le plus avoient usé les armes et qui mieulx savoient comment on s’i devoit maintenir et deduire, avoient rabattu l’oppinion de messire Henry de Persi a leur pooir en disant ainsi: "Sire, ilz amainnent en armes moult de pareçons. Se le conte de Douglas a conquis vostre pennon, il l’a bien achatté, car il l’est venus querir a la porte et a esté bien battus. Une aultre foiz conquerreréz vous sur luy autant ou plus. Nous le vous disons, pour tant que vous savéz, et nous savons aussi, que toutte la puissance d’Escoche est hors dessus les champs. Se nous yssons hors, qui ne sommes pas asséz pour eulx combattre ne fort aussi, et ont fait espoir celle envaye pour nous attraire hors et se telle puissance comme
ilz sont, plus de XLM, et qui nous desirent a trouver, nous avoient a leur aise, ilz
nous
enclorroient et feroient de nous leur voulenté. Et encoires il vault trop mieulx a perdre ung
pennon que IIC ou IIIC chevaliers et
escuiers et mettre nostre paÿs en aventure. Car se vous et nous qui sommes les
chiefs avions perdu, le demourant du paÿs n’y pourroit ne sairoit remedier."
¶ Ces parolles avoient rafrené messire Henry de persy et son frere, car ilz
ne vouloient issir hors de conseil, car aultres nouvelles luy vindrent de chevaliers et escuiers
qui avoient poursievy les Escoçois et lesquelz savoient tout leur convenant et
le chemin, et lequel ilz avoient alé et ou ilz estoient arrestéz.
Compté fut et dit a messire Henry de Persi et a messire Raoul, son
frere, et aux aultres qui la estoient, par chevaliers et escuiers, droittes gens d’armes de Northombrelant qui poursievy avoient les Escochois depuis
qu’ilz se departirent de Noefchastel, et descouvert tout le paÿs a l’environ
pour mieulx averir leur fait, car ilz ne vouloient enfourmer les seigneurs que de verité, et
distrent ainsi les recordeurs et raporteurs: "Vous, messire Henry et vous, messire Raoul, vous devéz savoir que nous
avons poursievy les Escoçois et descouvert le pb 321 v
messire Henry avoit dittes, se il ne les poursievoit oultre; car il avoit dit au conte de Douglas que point ne porteroit son pennon hors d’Angleterre, et tout ce avoit il au soir remonstré aux chevaliers et escuiers de Northombrelant qui aveucques luy estoient logiéz en la ville de Neufchastel. ¶ Or cuidoient les aulcuns que le conte de Douglas et ceulx qui a leurs barrieres avoient esté, ne fust que l’avantgarde des Escotz qui la fussent venu escharmuchier, et que leur grant host fust demouré deriere. Par quoy les chevaliers de Northombrelande, qui le plus avoient usé les armes et qui mieulx savoient comment on s’i devoit maintenir et deduire, avoient rabattu l’oppinion de messire Henry de Persi a leur pooir en disant ainsi: "Sire, ilz amainnent en armes moult de pareçons. Se le conte de Douglas a conquis vostre pennon, il l’a bien achatté, car il l’est venus querir a la porte et a esté bien battus. Une aultre foiz conquerreréz vous sur luy autant ou plus. Nous le vous disons, pour tant que vous savéz, et nous savons aussi, que toutte la puissance d’Escoche est hors dessus les champs. Se nous yssons hors, qui ne sommes pas asséz pour eulx combattre ne fort aussi, et ont fait espoir celle envaye pour nous attraire hors et se telle puissance comme
ilz sont, plus de XLM, et qui nous desirent a trouver, nous avoient a leur aise, ilz
nous
enclorroient et feroient de nous leur voulenté. Et encoires il vault trop mieulx a perdre ung
pennon que IIC ou IIIC chevaliers et
escuiers et mettre nostre paÿs en aventure. Car se vous et nous qui sommes les
chiefs avions perdu, le demourant du paÿs n’y pourroit ne sairoit remedier."
¶ Ces parolles avoient rafrené messire Henry de persy et son frere, car ilz
ne vouloient issir hors de conseil, car aultres nouvelles luy vindrent de chevaliers et escuiers
qui avoient poursievy les Escoçois et lesquelz savoient tout leur convenant et
le chemin, et lequel ilz avoient alé et ou ilz estoient arrestéz.
Compté fut et dit a messire Henry de Persi et a messire Raoul, son
frere, et aux aultres qui la estoient, par chevaliers et escuiers, droittes gens d’armes de Northombrelant qui poursievy avoient les Escochois depuis
qu’ilz se departirent de Noefchastel, et descouvert tout le paÿs a l’environ
pour mieulx averir leur fait, car ilz ne vouloient enfourmer les seigneurs que de verité, et
distrent ainsi les recordeurs et raporteurs: "Vous, messire Henry et vous, messire Raoul, vous devéz savoir que nous
avons poursievy les Escoçois et descouvert le pb 321 v