de Douglas, et le conte de Fii, et messire Alixandres de
Ramesay, et messire Jehan de Saint Clar, et messire Jaquemes de Lindestre, et distrent: "Affin que nous ne faillons a nostre entente, nous conseillerons pour le
meilleur que nous faisons deux chevaucies, par quoy nostres adversaires ne
sairont auquel entendre; et la plus grande chevaulchie et toute l’ost et nostre
sommaige et chariage s’en voist vers Carlion en Galles, et l’autre
chevauchie de III
C ou IIII
C lances et deux mille gros varlés et archiers et tous bien montéz, car il le convient, s’en
voisent devers le Neufchastel sur Thin et passent la riviere et
entrent en l’
evesquié de Durem, ardant et essillant le paÿs. Ilz feront ung grant trau
en
Anglerre avant que nostres ennemis soient pourveüs. Et se
nous veons ou sentons qu’ilz nous poursievent, ainsi qu’ilz feront, si nous remettons ensemble
et trouvons en bonne place et nous combattons; aussi en avons nous grant desir et faisons tant
que nous ayons honneur, car ces
Anglois nous ont ung long temps petilliet et
heriet. S’est heure, puisque nous nous trouvons tout ensamble, que nous leur remonstrons les
dommaiges qu’ilz nous ont fais."
¶ Ce conseil fut tenus, et ordonnerent que messire Archebaus Douglas, le conte
de Fii, le conte de Surlant, le conte de Montres, le conte de La
Mare, le con
te d’Astrederne, messire Estievene Fre
siel, messire Gorges de Dombarre et
bien XVI grans barons d’
Escoche menroient tout la plus grande par
tie de
l’ost vers Carlion; et le con
te de Douglas et messire
Jorges, con
te de la Mare et de Dombare, et le
conte Jehan de Moret,
ces trois
seroient cappitaines de III
C lances
de bonnes gens a l’eslite et de II
M hommes, gros varléz et
archiers,
et s’en yroient devers le Neufchas
tel sur Thin et entreroient
en
Nor
thombrelande.
¶ La se departi
rent ces deux hostz les ungs des
aultres, et prierent au
departement
trop affectueusement les seigneurs
les ung aux aultres que se les
Anglois les consievoient et che
vaulchoient, ilz fuissent detriiet
de
non combatre, tant que ilz fus
sent tout ensamble; si en seroient
plus fort et par raison
leurs af
faires en vauldroient trop gran
dement mieulx.
¶ Ainsi l’eu
rent ilz en convenant l’un a l’autre
et se partirent ung matin du
forest de Gedours et prindrent les
champs, les ungs, mais ce fut trop
tart. Et entra en ung sentir qui
tiroit
tout droit au Neufchastel et
prist celui car il quidoit estre a l’en
contre de Thebourch ou
leurs leurs gens estoient logiéz mais non es
toit, car ilz s’eslongoient. Et ce
fut a
celle propre heure que l’eves
que
Durem retournoit au Noefcha
stel, si comme icy dessus
je vous ay
dit.
¶ Le cheval de messire Jaqueme
pb 307 v