frere, messire Thomas de Versy, messire Alixandre de Lindesee, le seigneur
de Sothon, messire Jehan de Sandelans, messire Pautris de Dombaire, messire Jehan de Saint Clare, messire Pautris de Hepbourne et messire Jehan, son filz, le seigneur de
¶ Mongembre et ses deux filz, messire
Jehan Marquevel, messire Adam de Glandinnin, messire Guillaume de
Roduen, messire Guillaume Stuart, messire Jehan de Halpebreton, messire Jehan Alidiel, messire Robert Landre, messire Estienne Fresiel, messire Alixandre de Ramesay et messire Jehan, son frere, messire Guillaume de Norvernich, messire Aubert Hert, messire Guillaume
de Warlan, messire Jehan Amoston, David Fluvin, Robert Colonne et moult d’autres chevaliers et escuiers d’
Escoche.
Et oncques, depuis LX ans, ne s’estoient trouvés tant de bonnes gens ensamble,
et estoient
bien XII
C lances et XL
M hommes parmy les archiers. Mais tant que du mestier de l’arc,
Eschoçois s’ensonnient petit, ainchois portent haces chascuns sus son espaule, et s’aprochent
tantost en bataille, et de ces haces donnent ilz trop biaulx horions.
¶ Quant ces seigneurs se furent tous trouvéz en la marche de Gedours, si furent
moult lies et distrent que jamais en leurs hostelz ne renteroient, si aroient chevaulchiet en
Angleterre et alé si avant que on en parleroit XX ans
a venir. Et pour savoir encoires plus certainement la ou ilz se trairoient, ne comment ilz
s’ordonneroient, ces barons, qui estoient cappitainnes de tout le demourant du peuple,
assignerent ung jour entre eulx a estre a une eglise en une lande, sus le forest de Gedours, laquelle
et moustier
l’en appelle ou paÿs Zoden.
Nouvelles estoient venues en
Northombrelant, car on ne fait riens
qu’il ne soit sceu qui bonne diligence y met, au conte et a ses enffans et au
seneschal d’Yorth et a messire Mahieu Rademen, cappitaine de Berwich,
de l’assamblee et feste qui avoit esté faicte en la cithé d’
Abredane.
¶ Dont, pour savoir ent le fons et en quel ystance elle avoit esté faicte, ces seigneurs y avoient
envoiet couvertement hyraux et menestrelz. Les
Escoçois ne sceurent si
secretement parler ensamble, ne faire leur besoingne, que ceulx qui envoyet d’
Engleterre furent en Eschoce ne seussent bien, et l’apparant en
veirent, que le paÿs
s’esmouvoit et mettoit ensamble, et devoient avoir
les seigneurs d’
Escoche une journee de parlement ensamble en la fourest
et ou chastel de Gedours. Tout ce rapporterent ilz au
Noefchastel sur Thin a leur maistres.
¶ Quant les barons et les chevaliers de
Northompb 306 r