ne, et aussi messire
Jehan Ferrant Percok des avenues
de
Portingal et de
Castille, me compta pluseurs choses le gentil chevalier; et plus m’en euist compté, se je euisse longuement chevaulchié en sa
compaignie.
¶ Entre Moult le Herne et Prilli a IIII
grandes lieues, et nous chevaulchions bellement a l’aise des chevaulx; et la, sus ce chemin, il me
compta moult de choses, lesquelles je mis bien en ramenbrance et par especial des avenues de
Bretaingne. Et ainsi que nous chevaulchions et que nous estions pres de Prilly, en une lieue, nous entrames en ung pré. La s’arresta il et dist: "ha! Dieux ait
l’ame du bon connestable de France! Il fist icy une foiz une belle journee et pourfitable
pour ce païs, dessoubz la banniere messire Jehan de Buel, car il n’estoit pas
encoires connestable, mais estoit nouvellement venus et yssus hors d’Espaigne." "Et comment il en avint?" je le demanday. "Je le vous diray", dist il, "mais que nous soions a cheval." Il monta et nous montames; il commencha
a chevaulcier bellement et puis a faire son compte, ainsi comme il en avint.
"
Du temps que je vous parolle", dist le chevalier,
"estoit ce païs yci si raemplis d’
Anglois et de larrons,
Gascons,
Bretons,
Alemans et gens aventurés de toutes
nacions, que tout le païs deça Loire et dela Loire en
estoit raemplis, car la guerre de France et d’
Angleterre estoit renouvellee; et si entroient toutes manieres de pillars en ce païs et aussi
amassoient et fortefioient par maniere de conqueste. Les chastiaulx de Biaufort en Valee
que
vous avéz veü en estoit tenus, et le païs environ vivoit tout en pactis dessoubz
luy. Pour venir a mon pourpos,
Anglois et
Gascons tenoient
Prilli et l’avoient mallement fortefiet, ne nulz ne les en boutoit ne chaçoit hors;
et tenoient ceulx environ sus la riviere de Loirre aultres petis fors et tout a la reonde,
et, quant ilz vouloient chevaulchier, ilz se trouvoient entre mille et VIII
C
combattans.¶ Le connestable, messire Bertran, et messire Jehan de Buel et le sires de Mailly et aulcuns chevaliers de ce paÿs eurent ymaginacion que ilz se metteroient
a l’aventure pour delivrer le paÿs. Et se cueillierent environ V
C lances
et sceurent que les
Anglois vouloient chevaulchier et aler vers Saumur; et estoient touttes les cappitaines des fors de cy environ mis ensamble, et avoient fait
leur amas a Prilli, qui siet devant nous. Noz gens chevaulcierent et passerent celle
eaue ychi dessoubz qui vient de Prilli, et se misrent en embusque en
ce bos qui siet cy dessus a la bonne main. Au matin, si comme au soleil levant, les ennemis se
departirent de Prilli et estoient bien IX
C combatans.
Quant
pb 203 r