apparut par la voye que je vous diray.
¶ Quant le
roy Richard d’Angleterre fut venus a
Brisco, et la
royne aveuques luy, ilz se tindrent ens ou
chastel de Brisco, qui est bel et bien
fort, et quidoient chilz des loingtains marches, en sus de Galles, que le roy se tenist la pour la cause et faveur du duc d’Irlande, qui avoit mis avant que il
s’en yroit en
Irlande, et
luy aidast a faire ses finances et a
monteplier sa compaingnie; car il luy estoit accordé du general conseil d’Angleterre,
quant le roy se departi de ses oncles, ou cas qu’il iroit en ce voyaige, il aroit,
aux coustaiges d’
Angleterre, V
C lances hommes d’armes
et XV
C archiers; et estoit ordonné que il demouroit trois
ans et toujours seroit il bien paiet.
¶ Le duc n’avoit nulle voulenté de faire ce voyaige, car il sentoit le roy
joenne, et pour le present il estoit si bien de luy comme il vouloit, et se doubtoit que se il eslongoit
la presence du roy, que l’amour et la grasce que le roy avoit sur luy ne fust
eslongié aussi. Avec tout ce qu’il estoit si tres fort enamouréz de une des damoiselles de la
royne qui s’appeloit La Lancegrone, que nullement il ne la pouoit laissier; et estoit une
demoiselle asséz belle et plaisante que la royne d’Angleterre avoit amené en sa
compaignie et mis hors de
Boesme dont elle estoit partie. Et l’amoit le duc
d’Irlande si ardaument que voulentiers il eust veü
qu’il se feust
desmariéz de la duchesse sa femme, la fille au bon seigneur de Couchy; et y rendoit
toutte la paine comme il pouoit, et ja en avoit il fait escripre au roy au plus
especiaulment comme il pouoit a
Romme, a
celluy qui s’appelloit pape
Urbain VIe et que les
Anglais tenoient pour
pape; dont touttes bonnes gens en
Angleterre estoient moult esmerveilliéz
et l’en condempnoient moult fort pour tant que la bonne dame avoit esté
fille le bon roy Edouart et de la
bonne royne Phelippe d’Angleterre et fut sa mere madame Ysabel; dont ses oncles qui pour ce temps se tenoient en
Angleterre, le duc Yorth et le duc de Glocestre
tenoient ce fait en grant despit. Mais nonobstant leur hayne, le duc d’Irlande n’en faisoit
compte, car il estoit si enamouréz et si aveugléz de l’amour de la desusdicte, que il se vouloit
desmarier, et lui promettoit que il la prenderoit a femme et en feroit le pape de
Romme dispenser, ou cas qu’il avoit l’accord du roy et de la royne, et
que le pape ne lui oseroit refuser, car la dame estoit françoise et de leur
creance contraire, et si avoit tousjours le
sire de Couchy, pere de la dessusdicte dame,
fait guerre en Ronmagne et ailleurs pour Clement encontre Urbain; pourquoy Urbain ne l’en amoit pas mieulx et
s’enclineroit tant plus legierement pour eulx desmarier. Tout
pb 214