pb 261 rque VI lieues a chevaulchier;
et le premier des cappitainnes qui vint a Ousach, c’estoit
Perrot le Bernois pour monstrer que l’emprinse estoit sienne et aviser les
compaingnons.
SHF 3-245 sync Le jour devant qu’ilz furent tous ensamble
et conseilliet l’un parmy
l’autre, parmy l’information que Geronnet leur avoit dit et fait et monstré a
quelle heure ilz venroient, cilz Geronnet, luy XII
e de
compaignons, vestus en abis de gros varléz, marcheans en cottes de buriaux, et chascun
menant chevaulx de harnois tous unis selon l’usaige que ilz ont ens ou paÿs, se departirent d’Usach devant l’aube du jour, et se mistrent en chemin vers Montferant, aroutéz de leurs chevaulx comme marcheans voituriers, et entrerent
environ nonne en la ville de Montferant. On ne s’en donna garde quelx ilz gens ilz
estoient, car jamais on n’eust cuidé que ce eussent esté pillars ne robeours, mais marchans qui
venissent la au marchiet, pour cueillier et acchatter draps ou toilles; et disoient qu’ilz estoient
devers
Montpellier et oultre, et venoient la en marchandise, car la foire y
devoit estre, et ja y en avoit grant fuison de marcheans venus et des marcheandises des villes et
citéz de la environ. Or se trairent Geronnet et les siens a la Couronne, et establerent leurs chevaulx et prindrent
une belle chambre pour eulx, et la se
tindrent tout quoy sans aler aval la ville, affin que on ne se percevist de leur
besoingne; et penserent ce jour bien d’eulx, car ilz supposoient qu’ils ne payeroient point
d’escot.
Quant ce vint sus le soir, ilz s’ensonnierent trop grandement autour de leurs
chevaulx, et faisoient entendant a l’oste et a l’ostesse et aux varléz de l’ostel que
leurs chevaux estoient durement travailliéz et qu’il les convenoit aisier; et se pourveirent
grandement de candailles, ne
on ne les en pooit asouffir, et ne vouloient aler
couchier, mais buvoient en leur chambre et menoient grant vie.
¶ L’oste et l’ostesse, et tous ceulx de l’ostel, par tanison alerent couchier et les
laissierent faire leurs voulentéz, car ilz n’avoient nulle souppechon d’eulx.
¶ Or vous diray de
Perrot le Bernois et de sa routte. Ce propre jour sus le
soir, ilz se departirent d’Ousach, et estoient VII
cappitainnes; tout premier le Bernois Perrot, tout le souverain,
et puis le
bourch de Copanne qui s’appelloit Ernauldon, le
bourch anglois,
le bourch de Carlac, Olinbarbe, Apton Seghin et Bernaudon des Isles, et encoires y estoit ung grant pillart de Berne, qui
s’appelloit le sire de Lane Plane. Par cestui et par le
bourch de Copanne sceu je
et fuy je enfor
pb 261 v