ou ailleurs trouver finance; et furent ung jour et
une nuit tout courrouciet. A l’autre jour s’avisa Geronnet et dist a ceulx qui
les nouvelles luy avoient apportees: "Seigneurs compaignons, retournéz devers nostre
cappitaines et si luy dittes, depar moy, que
se je me tourne Franchois pour moy delivrer, il n’y gaaingnera riens; et sache de
par que je l’ay, a mon pouoir,
tousjours, tant que j’ay esté deléz luy, servi bien et loyaulment et serviray encoires, si luy
plaist; mais, se je me tourne Franchois, il ne gaingnera riens, ce que je feray trop envis et du
plus tart comme je pourray. Mais dittes luy qu’il nous delivre de cy, et ung moys aprés ma
deliverance, je le mettray en tel party d’armes, s’en luy ne tient, qu’il gaingnera avec ses
compaingnons cent mille frans."
¶ Sus ceste parolle retournerent les troix compaingnons gascons et vindrent a Calusset, et trouverent
Perrot le Bernois et luy compterent
ces nouvelles touttes, ainsi que Geronnet de Mandurant luy mandoit. Il
commencha sus a penser et a busier, et puis dist: "Il pourroit bien estre qu’il serroit ainsi
qu’il dist. Je le delivray tantost." Il fist ouvrir une huche la ou il y avoit bien XL
M frans, et tous venoient de pillaige que vous l’entendréz, non pas de ses
rentes ne de ses
revenues de
Berne, car en la, ville ou il
fut néz et ou il demourroit quant il se party de
Berne, n’a que XII maisons, et en est le conte de Foiz sire, et a a nom la
ville
d’Adan et siet a troix lieues d’
Ortais.
Perrot Le
Bernois fist devant luy compter XXII
C frans, et puis C frans pour les frais des compaignons, et les fist mettre en une bourse et reclorre
l’arce, et appella les troix compaignons qui estoient la venus pour querir
l’argent: "Tenéz," dist il, "je vous delivre XXIII
C frans.
Au besoing voit l’omme son amy. Je les aventuray; il est bien tailliéz de reconquerir autant ou
plus s’il vuelt."
¶ Les compaignons prindrent l’argent et se departirent de Calusset et
retournerent a Montferant, et y a de l’un a l’autre XIIII
grandes lieues; mais ilz avoient bon saufconduit; cela les faisoit aler, venir, passer et rappasser
sauvement.
Quant Geronnet de Maudurant sceult que sa finance estoit venue,
et qu’il et ses compaignons seroient delivréz, si en fut tres grandement resjoÿs et manda ceulx
qui par Jehan Bonne Lance estoient ordonné de recepvoir l’argent, et leur
dist: "Comptéz, car vesla tout ce que nous vous devons." Ilz compterent jusques a XXII
C frans.
¶ Aprés ce, ilz compterent de leurs menus frais a leur hostel et paierent bien et largement tant
que tous s’en contenterent.
¶ Quant ilz eurent partout paiet, Geronnet emprunta hommes et chevaulx,
pour eulx mener jusques a Calusset et pour ramener les chevaulx, et puis
prindrent congié et s’en partirent et retournerent a Caluset;
et Bonne Lance fut signifiéz de
pb 260 v