doient. Tant esploittierent ilz qu’ilz
passerent Espaingne et la cité de Nazrés ou la bataille fut
jadis, et Paviers, et vindrent a Groing et la s’arresterent, car
encoires ne savoient ilz certainement se le roy de Navaire les lairoit passer. Sy
envoyerent devers luy deux de leurs chevaliers, messire Pierre
Lisser et messire Guillaume Nordvich.
¶ Ces deux chevaliers trouverent le roy a Tudelle
en Navaire; si parlerent a luy et esploittierent si bien que il leur accorda a passer
parmy
Navaire pour paier ce qu’ilz prenderoient. Si se departirent du Groing si tost comme leurs chevaliers furent retourné; ilz se mistrent au chemin et
esploittierent tant qu’ilz vindrent a
Panpelune, et passerent les montaignes de Rainchevaux, et laissierent le chemin de
Berne, et
entrerent en Bisquaye pour venir a
Bayonne, et tant firent
qu’ilz y parvindrent. Et la se tindrent ung long temps messire Jehan de Hollande et la
contesse sa femme, et les aulcuns de ces
Anglois s’en vindrent a
Bourdiaulx. Ainsi s’espardy ceste chevauchiee.
SHF 3-214 sync
Avenu estoit en
Castille, entreus que le plus fort des armes couroit
et que les chevaliers et escuiers chevaulchoient, et que les
Anglois tenoient
les champs, que messire Bouchicault, l’aisné des deux freres, avoit
envoiet par ung hirault requerre armes a faire, de troix courses de
glaives aux chevaulx, de troix coups d’espees, de troix coulps de
dagues, de troix coups de
haches, et toudis a cheval, a messire
Jehan d’Aubrecicourt. Le chevalier lui avoit accordé liement et l’avoit depuis
demandé en pluseurs lieux, mais messire Bouchicault n’estoit point trait avant; je ne
say pourquoy ne a quoy il estoit demouré. Je ne dy mie, ne je ne vueil pas dire que messire Bouchicault ne soit chevalier asséz pour faire tel party d’armes ou plus grant
comme celles estoient.
¶ Quant messire Jehan d’Aubrecicourt fut ve
nus a
Bayonne en la compaignie de messire Jehan de Hollande, si comme vous oéz, il ot
pluseurs ymaginations sus ces besoingnes, et luy sambloit que honnourablement il ne pouoit
partir des frontieres depar de la, ou cas que il estoit requis et appeléz de faire armes, et que il
les avoit acceptees sans les achiever, et pourroient les
Franchois dire, s’il
retournoit en
Angleterre, qu’il s’en seroit aléz mal deuement. Si s’en conseilla
a ses compaignons et par especial a messire Jehan de Hollandes quel chose en estoit
bonne a faire. Conseilliet fut qu’il presist le chemin de France. Il avoit bon
saufconduit a passer parmy le
royaulme de France du roy, que le duc
de Bourbon, a la priere de messire Franchois d’Aubrecicourt, son cousin germain, lequel avoit esté et estoit avec le duc de Bourbon, luy avoit empetré et fait
avoir, et s’en venist a
Paris et demandast la messire Bouchicault;
espoir en orroit il nouvelles sus son chemin ou a
Paris, et parmy tant il seroit
excuséz.
¶ Ce conseil tint
pb 235 r