de Bisquaye
pour aler a
Bayonne,
c’est tout sur nostre hiretaige, et de la poéz vous aler a
Bourdiaulx sans le
dangier des
Franchois, et vous raffresquir a vostre ayse; et puis, quant vous
auréz vent a voulenté, monter en mer et traverser le parfont, et prendre terre en Cornuaille ou a Hantonne, selon ce que le vent vous enseignera."
¶ A ceste parolle respondy messire Jehan de Hollande et dist qu’il le feroit, ne point
de ce conseil n’ysteroit, et il s’ordonna sus cest estat.
Depuis n’y eubt guaires de sejour, mais se departirent le connestable et
toutes gens d’armes et aultres en sa compaignie, et ne demourerent deléz le duc ne
la duchesse, fors ses hostelz seullement; et enmena messire Jehan de Hollande sa femme avecques luy, et s’en vint en la chité de Chamorres qui est
belle et grande, et la trouva le roy de Castille et
messire Gauthier de Pasach et messire Guillaume de Lignach qui luy firent bonne chiere, ainsi que
seigneurs font l’un a l’autre quant ilz se treuvent. Et, au voir dire, le roy de Castille
veoit plus voulentiers le departement des
Anglois que l’aprochement, car il
luy sambloit que sa guerre estoit finee, et que jamais en la cause du duc de Lancastre
tant de bonnes gens d’armes ne d’archiers n’en vuideroient hors d’
Angleterre
pour faire guerre a
Castille, et aussy sentoit bien le
paÿs d’Angleterre, si comme icy dessus
vous est compté, en grant different.
¶ Quant les nouvelles s’espardirent en pluseurs lieux, villes et citéz ou les maladieux
Anglois estoient trais pour avoir santé, que messire
Jehan de
Hollande se mettoit au retour pour aler en
Angleterre, si en furent tous
resjoÿs ceulx qui affection avoient de retourner en leurs paÿs. Si se prindrent tant
plus prez de eulx appareillier et de mettre en sa routte, et s’i mistrent messire Thomas de
Persy, le sire de Ghameus, le sire de Helmcon, le sire de
Braseton et pluseurs aultres, tant que ilz se trouverent plus de mille
chevaulx, et estoient a jus a maladieus qu’ilz estoient guerry a moictié quant il se mettoient au
retour, tant leur avoit esté le voyaige sus le fin anoieux et pesans.
¶ Quant messire Jehan de Hollande prist congié au roy de Castille, le roy luy donna liement et aux barrons et chevaliers aussi de sa routte, et leur fist a
aulcuns, pour son honneur, delivrer et presenter des biaulx mulés et des genés d’Espaingne, et leur fist paier tous leurs menus fréz qu’ilz avoient fait a Chamorres.
¶ Adont se mistrent au chemin et vindrent vers Saint Faghon, et la se
raffresquirent ilz troix jours, et partout estoient ilz le bien venus, car ilz avoient
des chevaliers du roy qui les conduisoient et se payoient tout pareillement, partout
ou que ilz venoient, ce que ilz pren
pb 234 v