pb 231 r
venir aysier et raffreschir et recouvrer santé, se retourner y pevent. Et aussi a aulcuns qui ont plaisance de retourner en Angleterre par terre, si convient qu’ilz passent par les dangiers de vous, du roy de Navarre et du roy de France tant faire que paisiblement, pour bien paier partout leurs fréz, ilz puissent passer et retourner en leurs lieux. C’est la requeste et la priere a present que vous faisons." Lors respondy le roy de Castille moult doucement et dist: "Nous arons conseil et advis quel chose en est bonne a faire et puis en seréz respondus." Cilz respondirent: "Il nous souffist." SHF 3-211 sync Lors se departirent les chevaliers d’Angleterre et prindrent congié du roy, et retournerent en leurs hostelz et se y tindrent tout ce soir et a l’endemain jusques a tierche que ilz retournerent devers le roy. ¶ Or vous dyray, avant la responce, le conseil que le roy de Castille ot. Premierement ces requestes et nouvelles luy firent grant bien et tres parfaicte joye, car il se veoit a chief pour ung grant temps de sa guerre,
quant les ennemis luy prioient a
vuidier et partir hors de son paÿs. Bien savoit en luy meismes lequel il en feroit, et
fuist tout conseilliéz du contraire, mais il vouloit tant honnourer les deux
chevaliers franchois que on luy avoit la envoiet a cappitaines, messire Gauthier de Pasachc et messire Guillaume de Lignac, qu’il en parleroit a eulx, et
les manda en sa chambre
et une partie de son especial conseil de ceulx de son paÿs. ¶ Quant ilz furent venus, le roy leur remonstra moult saigement la parolle des chevaliers d’Angleterre et les pryeres et requestes que le connestable du duc leur faisoit, et sur ce il en demandoit a avoir conseil et que on le conseillast loyaulment; et tourna la parolle sus messire Gauthier de Pasach et sus messire Guillaume de Lingnach. Envis parloient devant le conseil du roy, mais parler les convint, car le roy le voult et les en requist. Il distrent ainsi: "Sire, vous savéz la fin que nous vous avons toudis dit: que vostres ennemis se laisseroient et degasteroient. Ilz sont desconfiz et sans cop ferir. Ou cas que par gentillesse les malades demandent a avoir confort et raffreschissement en vostre paÿs, vous leur accorderéz par maniere telle que, se ilz retournent a santé, ilz ne retournent point devers le duc de Lancastre ne le roy de Portingal, mais yront tout droit leur chemin et, de ce terme en six ans, ilz ne s’armeront contre vous ne contre le royaulme de Castille. Nous esporons que vous fineréz asséz bien au roy de France et au roy de Navaire d’avoir saufconduit pour eulx a passer paysiblement parmy leurs royaulmes."
¶ De ceste response fut le roy d’Espaingne tout resjoÿs, car on le conseilloit apréz sa
plaisance, ne il n’avoit cure quel marchié qu’il fesist, mais que il fust quite des Anglois. Sy dist a messire Gautier pb 231 v
venir aysier et raffreschir et recouvrer santé, se retourner y pevent. Et aussi a aulcuns qui ont plaisance de retourner en Angleterre par terre, si convient qu’ilz passent par les dangiers de vous, du roy de Navarre et du roy de France tant faire que paisiblement, pour bien paier partout leurs fréz, ilz puissent passer et retourner en leurs lieux. C’est la requeste et la priere a present que vous faisons." Lors respondy le roy de Castille moult doucement et dist: "Nous arons conseil et advis quel chose en est bonne a faire et puis en seréz respondus." Cilz respondirent: "Il nous souffist." SHF 3-211 sync Lors se departirent les chevaliers d’Angleterre et prindrent congié du roy, et retournerent en leurs hostelz et se y tindrent tout ce soir et a l’endemain jusques a tierche que ilz retournerent devers le roy. ¶ Or vous dyray, avant la responce, le conseil que le roy de Castille ot. Premierement ces requestes et nouvelles luy firent grant bien et tres parfaicte joye, car il se veoit a chief pour ung grant temps de sa guerre,
quant les ennemis luy prioient a
vuidier et partir hors de son paÿs. Bien savoit en luy meismes lequel il en feroit, et
fuist tout conseilliéz du contraire, mais il vouloit tant honnourer les deux
chevaliers franchois que on luy avoit la envoiet a cappitaines, messire Gauthier de Pasachc et messire Guillaume de Lignac, qu’il en parleroit a eulx, et
les manda en sa chambre et une partie de son especial conseil de ceulx de son paÿs. ¶ Quant ilz furent venus, le roy leur remonstra moult saigement la parolle des chevaliers d’Angleterre et les pryeres et requestes que le connestable du duc leur faisoit, et sur ce il en demandoit a avoir conseil et que on le conseillast loyaulment; et tourna la parolle sus messire Gauthier de Pasach et sus messire Guillaume de Lingnach. Envis parloient devant le conseil du roy, mais parler les convint, car le roy le voult et les en requist. Il distrent ainsi: "Sire, vous savéz la fin que nous vous avons toudis dit: que vostres ennemis se laisseroient et degasteroient. Ilz sont desconfiz et sans cop ferir. Ou cas que par gentillesse les malades demandent a avoir confort et raffreschissement en vostre paÿs, vous leur accorderéz par maniere telle que, se ilz retournent a santé, ilz ne retournent point devers le duc de Lancastre ne le roy de Portingal, mais yront tout droit leur chemin et, de ce terme en six ans, ilz ne s’armeront contre vous ne contre le royaulme de Castille. Nous esporons que vous fineréz asséz bien au roy de France et au roy de Navaire d’avoir saufconduit pour eulx a passer paysiblement parmy leurs royaulmes."
¶ De ceste response fut le roy d’Espaingne tout resjoÿs, car on le conseilloit apréz sa
plaisance, ne il n’avoit cure quel marchié qu’il fesist, mais que il fust quite des Anglois. Sy dist a messire Gautier pb 231 v