qui recueillierent
le
duc de Bourgoingne et ses gens liement et grandement, et l’amenerent
a
Valenciennes, et fu la le
duc de Bourgoingne logié en
la Sale du
conte et le
duc Aubert a l’ostel de Vicongne, et
madamme
d’Ostrevant et les dammes, madamme de Moriaumés et madamme de Mastain, madamme de Goumemes et les autres, a l’ostel au conte de
Blois en la Tenerie. Et la fu le
duc de Bourgoingne receu grandement, et li furent
fais de biaux presens, et prinstrent la congié aux dammes le duc et les chevaliers de sa
compaignie. Et vous di que il sambloit bien, qui les ooit parler, que jamais ne retourneroient en
France, si aroient esté en
Engleterre, et les en faisoit bon oïr,
parler et deviser comment
Engleterre estoit prise, conquestee et perdue. Et de
la vint le
duc de Bourgoingne a
Douay, et puis a
Arras, et la trouva sa femme la duchesse qui la l’atendoit. Adont vint le roy de France a
Compiengne, et puis a Noion, et puis a
Peronne, a
Bapaumes, et puis a
Arras, et toudis avaloient
gens de tous costéz si grandement que tout le paÿs en estoit mengié et perdu, ne ou plat paÿs riens
ne demoroit qui ne fust tout a l’abandon sans paier denier. Les povres laboureurs qui avoient
recueillié leurs grains n’en avoient que la paille, et, se ilz en parloient,
ilz
estoient batus ou tuéz; les viviers estoient peschiéz, les maisons abatues pour faire du feu, ne les
Englois, se ilz feussent arrivéz en France, ne peussent point faire
plus grant exil que les routes des
François y faisoient, et disoient: "Nous
n’ayons point d’argent maintenant, mais nous en arons asséz au retour, si vous paierons tout sec." La les maudissoient les povres gens qui
veoient prendre et exillier le
leur des garchons et n’en osoient sonner mot, et leur chantoient une note entre leurs dens tout bas.
Aléz ent, orde crapaudaille, que jamais pié n’en puisse retourner.
Or vint le roy de France a
Lille en Flandres
et ses deux oncles avecques lui, le
duc de Bourgoingne et le
duc de Bourbon, car encores estoit le
duc de Berry derriere en son paÿs et ordonnoit ses besongnes. Avecques le roy estoient a Lille
le duc de Bar, le duc de Loraine, le conte de Savoie, le conte
d’Armignac, le conte daulfin d’Auvergne, le conte de Geneve, le conte de Saint Pol, le conte d’Eu, le conte de Longueville, le
sire
de Couchy, messire Guillaume de Namur, et de grans seigneurs de France si tres grant foison que je n’en venroie jamais a fin de tous nommer. Et disoit on que
pb 139 r